مساء الخير
الحمدلله قررت وخلصت واستخرت
واستقريت على محل بس ماعرف اش اسمه الرسمي عشان اذا
رحت اطلع ترخيص اقلهم اسمه
بشرحلكم وانتو علموني
هو محل صغير نوعا ما نقدم فيه كل انواع السندويشات تقريبا
مع سلطات وبطاطس وعصيرات طازجه ومشروبات مبرده جاهزه
وعلى جنب حلى نوعين كريب ووافل بالصوص حسب الطلب شوكلت فراوله توفي
هذا شغلنا بأختصار
ورح يكون سفري يعني تستلم طلبك وتمشي
مافي جلسات
ورح نديره انا وشلة بنات 2 منهم خريجات اقتصاد منزلي قسم الطبخ
وحده منهم ماجستير بس العطاله ذبحتنا
ومارح يكون فيه عماله نهائي حتى المحاسبه الكاشير علينا
المهم الحين هالنشاط اللي شرحته لكم اش اسمه بالضبط
وجزاااااااااااااااكم الله خير

سعوديات
اقترح المحل يكون سعوديات ، ارفع القبعه احتراما لكم
اقترح ايضا ان يوضع بنر او لوحة تعريفيه بكم بحيث تجذب الزباين ولا احد فيهم يستحقركم

مشكور اخوي على التشجيع طيب اش اسم هالنشاط
كفتريا والا وش بالضبط

ومين عنده خبره يصمملي شعار واسم

الله يخليكم ساعدوني

وجبات سريعة وفالك التوفيق يابنت بلادي

شيء طيب وجميل ، اهنيكم على الهمة العالية واستغلال الفراغ


عموماً .. باقي الاسم والشعار { العلامة التجارية } وإن شاء الله منها إلى اعلى

ولا تنسخين العلامة التجارية لمحل آخر ..لانه ممنوع دولياً ومحلياً ...سوي شيء جديد

اتمنى لكن التوفيق ...

ماشاءالله الف مبروك هل هو بمجمع
أو عوائل أو مثل بوفيات

لا عام لكل الناس وبيكون على شارع مو في مول ولامركز تجاري
مثله مثل اي مطعم وجبات سريعه على قد الحال وان شاءالله يكبر مع الوقت
هذا اذا سمحت البلديه
اذا ماسمحو مالنا الا نحطه بمول والله يعين على الايجارات

الله يبارك فيكم وخلكم قريبين لاني بنزل هنا يومياتي الين الافتتاح ان شاءالله
وترى لسى ماسويت شي يعني اسأل وتجاوبون
وانا احط يومياتي بالصور ونتناقش وربي ييسر الامور