يا وجودي كل ما شفت ان الجو براد
وجد يتيمٍ شاف بالسوق من تشبه أمه
ويا وجودي وجد من ما له بالدنيا مراد
ماشيٍ بالدنيا ودمعته يمسحها بكمه
ويا وجودي وجد صيادٍ رمى شبكته ولا صاد
وغيره يصيد وصيده عاجز لا يلمه
ويا وجودي وجد مريضٍ ما لقوا له ضماد
طايحٍ بفراشه وعاجز يدخل اللقمه بفمه
حاولوا معه بكل الادوية ولكن ما فاد
ميؤوس من حالته وزاد عليه همه وغمه
ودواه في ديرةٍ من راح لها ما عاد عاد
ومن راح عز الله إن جاب لنفسه المطمه
ما يروح لها إلا واحدٍ إن الله أراد
اللي دعا عليه أبوه وإلا دعت عليه أمه