-



السلام عليكم ..


بعرفكم ع نفسي :

أنا شخص مواطن سعودي من الطبقة الوسطى ( المهددة بالانقراض ) بسبب ارتفاع الأسعار في كل شيء !
وعمري 19 سنه ومتوظف براتب 3700 ريال ( جعل الشركة للفقر ) !!!
وأبي أتزوج لان بصراحة طحت في ( الحرام ) والحمد لله رجعت الى صوابي الان
وتعرفون راتبي ما يسوي شيء ! والحالة شبه صعبة للزواج
ف معي الان مبلغ ( 6000 ) ريال هذا اللي قدرت أجمعه من وظيفتي للأسف !
وأبي استثمره في الأسهم حتى لو انتظر أرباحه بعد 4 او 5 سنوات ! يعني بالي طوووويل ان شاء الله
وخبرتي في الأسهم ( صفر 0 ) !!!!!!


أنا عارف ان الأسهم خسائره اكثر من مكسبه
ولكن بحكم المبلغ اللي معي ما اقدر افتح فيه مشروع اترزق منه وأعاون أهلي أتزوج منه
قررت أحط المبلغ بالأسهم ( مد رجليك على قد لحافك ) !
وانا متأمل من الله ثم من الاسهم في تحقيق ( حلم الزواج ) وعدم الرجوع الى الحرام وشهواته بإذن الحي القيوم

ف اللي عنده خبره يساعدني تكفون أخاف الملبلغ يطير مني
تعتبروني اخوكم الصغير ويبي فزعتكم

راتبك بيزين او بتلقى وظيفة راتبها احسن لاتفكر انك بتجلس طول عمرك على 3700
عموما ارسل لي رقمك على الخاص

توك صغير والمستقبل قدامك
كمل دراسه وحافظ على صلاتك لان الصلاه تنهى عن الفحشاء والمنكر

الزواج وما ادرك ما الزواج

الله يفرج همك ويكون في عونك ..

تقدر تفتح كشك بطاطس مقلي في اي منتزه عندكم او تبيع خضار وتطلع ذهب
فكر في المشاريع الصغيره اللي مايبغالها لا تصاريح ولا اي شي لين تجمع راس مال وتفتح لك محل او قدم على رياده او صندوق المئويه

أجرلك باص او سيارة وجيب هندي مو شرط تجيب من بر ا في كثيير هنود ماعندهم كفيل هينا وانت أكفله
وخل يوصل طلبات, مدارس , مجمعات ...... الخ
وعلى فكرة انت صغير على الزواج حافظ على صلاتك احظر محاضرات دينية عشان ماتقع في الحرام مرة ثانية والله يوفقك

وعليكم السلام

الله يثبتك ويكفيك الحرام
مدامك تبي الحلال الله قالة من فوق سبع سماوات بيعينك
اول شي امسح فكرة الاسم من راسك غير مجدية حالياً
فكر بمشروع صغير وسريع مثلا تشتري اغراض بالجملة وتبيعها
او تشتري خضار وتبيعها او تسوي مشروع للبيع اكل بالحدائق الاحياء فكرتها طيبة تجيب اكل بيت تسوية امك او اختك طبخ او حلى وتبيع بالصحن او تبيع مشروبات او تحط نطيطة وتاجرها والله فيها ربح طيب
ومشروع ابن باز رحمة الله يساعدك ع الزواج وبنك التسليف اعتقد بعد
وربي يوفقك وتفرحنا بعرسك وبعدك صغير طور نفسك العمر قدامك

الله يرزقك ياخوي ومن ترك شي لله عوضة الله خيرا منة
والحمد لله دام نيتك بالزواج الستر والحلال باْذن الله بتفرج لك

الله يعين شباب المسلمين وشاباتهم ويغنيهم عن حرامه بحلاله
اللهم اني استودعك بنات المملكه وشبابها ...فانه لاتضيع ودائعك