السلام عليكم
أنا خريج قسم الحاسب وكثير من الناس يقولون لي حاسب الي وجالس أمرك غريب
وعلما بأن معدلي ممتاز

صار لي سنه و12 يوم وانا جالس ابحث وارسل ايميلات ولا شخص عبرني

الحمدلله على كل حال

* المشكله الثانيه
احد موظفين البنك خدعني الله لايبارك فيه ولا يسامحه ان شاء الله

اثناء دراستي وصلني اتصال من بنك وقال لي مبروك ربحت بطاقة ماستر كارد قلت له مااعرفها وماابغاها
قال لي اوصف البيت وانا بخدمك وفعلا وصلني الى البيت وقال لي ماعليها اي رسوم ولا عمولات
المهم قال خذها واي مبلغ تبقى تسدد عادي حتى لو 200
وانتم تعرفون الغلاء وانا خريج وماعندي مدخول اضطريت استخدم الماستر كارد

واسدد على قد المكافئه
واكتشفت ان 10000 ريال كلها رسوم للمحصلين

وين ديوان المظالم عن هذول اللي ماتخاف الله


ياجماعة الخير داخل على الله ثم عليكم تطرحو مشكلتي بكل مجلس وكل ديوان وتعطوني وش الحل

صار لي 7 شهور وانا احصل ازعاج وتهديد منهم

تكفوووون يالعرب ساعدوني بحل المشكله

رحم الله والديكم

اخوكم محمد