السلام عليكم
فبل شهر نزلت موضوع مشابه لذا الموضوع وسالت فيه هل لي الاحقيه اني اطلب تعريف راتب من الشركه وهل لهم صلاحيه يرفضون ولا لا ردو علي الاخوان هنا وقالو خطاب التعريف تقدر تاخذه باي وقت وهذا حق من حقوقك


رحت للشركه قبل اسبوعين وطلبت التعريف وقالولي مانقدر نعطيك لين تتم سنه عندنا .... حلو

قالي مديري المباشر ماعليك ان شالله بظبطك ومن ناحيتي ان شالله بسوي اللي علي لكن فوقي مدير هو اللي لازم يوافق واذا ماوافق اعذرني لكن بظبطك المهم كتبت الخطاب وجلست تقريبا اسبوعين لاحس ولا خبر
رجعت لهم الاحد اللي راح ولقيت الشباب ناسيني ويوم شافوني تذكرو ورجعت اكتب الخطاب وقام وصوره وصور العقد معه وقالي كلها بتروح للمدير العام ولازم يوافق عليها والارجح انه ماراح يوافق لانك ماتميت سنه انت لك ثلاث شهور عندنا وانا شرحت له وقات له انا محتاج الورقه الموتر اللي معي موتر اخوي واخوي بيتزوج قريب وبياخذ موتره عشان يبيعه وانا معطله ولا ابغا انجبر واروح لمكاتب التاجير ابي اطلع موتر جديد افضل واقل تكلفه علي قالي ماعندك مشكله وبنحاول معه ومايصير خاطرك الا طيب

سوالي ياخوان لو رفض وش اسوي

وهل هالخطاب مهم لها الدرجه ويقول سبب رفض المدير (سياسه الشركه كذا )
والسلام عليكم

غريبة انا الي اعرفة يعطونة بعد 3 شهور او 6 شهور وبعضهم في اي وقت حاول تكلم صاحب شركة عن المدير

يمكن مستلعن

ماعتقد يرفض المدير بس انت مدة شغلك قليله 3 شهور بس هذا سبب لوانتظرت شوي

من حقك خطاب تعريف براتب ... ولاكن من الأفضل لك بعد أنتهاء فترة التجربه

ولا هو من حقك ... لاكن هم من باب التعقيد وأختراع الأعذار

من حقك الحصول على خطاب تعريف بالراتب مقابل خصم 25 ريال من راتبك رسوم الغرفه التجاريه للتصديق على ورقه التعريف وذلك بعد اتمامك مهله 3 الاشهر الاولى

فعلا ما تقدر تطلع تعريف بالراتب الا بعد ما تكمل خدمة سنة وحتى لو اعطوك تعريف بالراتب
ما راح تستفيد منه لانه وكالات السيارات و شركات التقسيط من ضمن شروطهم ان تكون خدمتك
ما تقل عن سنة بالنسبة للقطاع الخاص و 6 شهور للقطاع العام ... مالك الا تمشي نفسك باي سيارة لين
ما ربي يفتحها عليك

هلا اخوي البنك العربي طلب تكون خدمتي 3 شهور

كلمتهم امس وقالو ادخلنا الاوراق على الادراه ورفضوه ويقولون لازم الخدمه 6 شهور
لكن يقول المدير راح ارجع ادخل الاوراق من جديد لين يوافقون

الله يعين على ذا القوانين والأنظمة