قال ما اوظف ولا سعودي تكفا يا وزير العمل الحين من يوم شفت الاعلان وانا غاسل يدي

الأجنبي يضبط حاله بالعمل ويكون نظامي عشان بينه وبينكم عقد ولا يقدر يغيير عمله وكثير الكلمه انقالت لي ياليت حنا زيكم نقدر نغيير عملنا مجبورين بعقد والله لو لا الله ثم العقد والوضع فري يقدر يتنقل من شركه لشركه والله تشوف البزوطه على اصولها وغير كذا حتى وهم ملزومين بعقد مبزوطين من تحت لتحت بشوف عيني انا مسؤول عن اجانب وسعوديين والله اني عندي واجد سعودي يشتغل بأخلاص اكثر من اثنين من جنسيه عربيه بعدين خبرتك 3 سنوات ماهي كافيه عشان تحكم بعدين انت عممت حطيت بذمتك شعب كامل انهم ماهم حقين شغل وانهم لعابين وخليت ناس ماتسوى نعال احسن من عيال بلدك حطيت بذمتك موظفين سابك + ارامكو + سكيكو + شركات الأتصالات + جميع قطاعات الدوله انهم مايشتغلون صح نسيت هذي القطاعات فيها نظام صارم وفيه اداء سنوي وتقييم سنوي مستحيل يلعبون بالدوام او يكونون غير جدييين نسيت القطاعات العسكريه الي مافيها تفاهم والي مايأدي عمله يجازى والجزى عارف انه سجن وكلهم مو مالين عينك !!! حبيبي هذا يدل على شيين (يا انك طعميه ). او ( ان شركتكم ابو كلب ومحد يبيها السعوديين يجون ويطلعون والاجانب مبتلشين فيكم بعقد ومايقدرون يطلعون ويسلكون لكم )

ولا تنسى ياعزيزي انك حطيت شعب كامل ملايين الأشخاص انهم غير جديين بالعمل يابكالوريوس انجلش يالمتعلم

السﻻم عليكم ورحمة الله،،
أوﻻ:صلوا على النبي
ثانيا:اﻻعﻻن و صاحبه خلوهم صفر ع الشمال و ﻻ تكبروا الموضوع
ثالثا:بحكم خبرتي المتواضعه 3سنوات في سوق العمل والله يشهد علي وعلى كل كلمه أقولها بأن الشاب السعودي
يشتغل ويكرف حاله حال غيره وكﻻمك يا بكالوريس انجلش مردود عليك على قولتك مو جاد في العمل ادا بتعطيه 4000اﻻف راتب كامل
خافوا الله في هالشباب فاتحين بيوت و تالي تعطوهم مصروف جيب وتبغاه يجلس في الوظيفه وياك و تتحججوا بالخبره و يجيك اجنبي
ماعنده شي و ﻻ يفهم شي اﻻ مارحم ربي وتعطيه راتب و تداكر وبونص و تشغله في البدايه في منصب صغير بعدين تطلعه فوق
وترى دي الفكره عن عدم جدية الشباب السعودي للعمل أصحابه اوﻻد بلدنااااا للاسف ،، مديري المحترم سابقا كان يقول نفس الشي
قلت له فاتح بيت ووراءه عيله وراتب 4000 قال اقدر اوظف 2اجانب بداله باقل من دا الراتب ،، طبعا مديري المحترم راتبه صك ال20الف
و مو حاس بغيره،،
للمعلوميه :محدثتكم خريجه برنامج الملك عبدالله رحمه الله -خبره في الموارد البشرية 3سنوات حاصلة عل الماجستير من امريكا و لغه انجليزيه ممتازه جدا جدا
وعطوني قبل فتره عرض وظيفي 5000اﻻف كامل ..

رايكم اقبل بالوظيفه الجديده

تجنيس ما يسوي مافيهم خير على البلد يأكلون من خيرات البلد لا اجنبي فيه الاخير ولا متجنسين فيهن خير

انت مو كفو تكون سعودي واتمنا اشوفك عاطل وتروح عند واحد سعودي عشان يوظفك ويرد عليك يقول انت مو كفوووو



ارجو حذف موظوع هذا الشاب اللطيف

الله اكبر

هذا وانت سعودي هذا كلامك ..!!
لاحو ولا قوة الابالله



يعني كيف تبيه يكون الموظف السعودي لما يكون زميله الاجنبي ياخذ راتب اعلي مميزات اكثررر ...الخ وهو لا , وفي بلده بعد ..!!!!!!!!

وبعدين تحلف بربك انك ماتوظف سعودي ., ليه ؟
يعني تعتمد وتثق بالغريب ( بينكم مصلحه ) اكككثر بكثير من حرصك واعتمادك ع ابن ديرتك- بلدك..!

ترا والله بوقت الجد ماينفعك غيره الي مستقل فيه !
كلمة الحق ماينزعل منها














استغفرالله العظيم واتوب اليه

المنتدى ليس توظيف الاجانب ا

المنتدى خاص لتوظيف السعودين فقط

أتمنى الاداره حذف اعلان المعلن لأنه مخالف

وللمعلومية ياشباب الوظائف المعلن عنها هي من مهنة السعودين وليست اجانب

فتقدرون ترفعون شكوى ضدى اي شركة في مكتب العمل

الشركات هذه الايام وضعت اللغة الانجليزية حاجز لسعودين

اعتز بلغة القرآن خيرا لك من لغة الصهاينة والمجوس

اشكر جميع المتداخلين بالموضوع ..


الفكرة الرئيسية للموضوع .. انا أتكلم عن مجال عمل الشركة اللي أنا فيها الان ... 90% من الموظفين السعوديين ما يكملون فترة 5 شهور .. على الرغم من استلامهم رواتب تعتبر جيده.. تبدأ من 5 الاف وتوصل 5800 .. للثانوي والمتوسط .

على فكرة أعلى من راتب مديره المباشر الاجنبي .

النقطة الثانيه بالموضوع .. سامح الله جميع من أخطأ علي ..


النقطة الثالثه والأخيره ..

لو فيه شخص جاد بالعمل وفعلا يبحث عن فرصة عمل حقيقية انا أضمن له بعد الله سبحانه وتعالى سرعة الرقي الوظيفي .

للأسف الكثير من شبابنا لا يتقبل أن يكون مديره أجنبي.

اتمنى من ادارة المنتدى حذف المشاركة لان منتدى حلول البطالة وضع للسعوديين , و مصطلح البطالة متخصص في حل مشكلات بطالة المواطن وليس الاجنبي , بطالة الاجنبي تحلها دولهم

انت غلط على اهلك وناسك الله لا يسامحك

اتمنا حذف الموضوع