سلام عليكم


فيه احد جرب الوساطة بين البايع والمشتري والحصول على عمولة؟

سواء في العقار او السيارات او غيره

هل العمل كوسيط والتسويق بالعمولة مجدي؟ ويغني عن الوظيفة؟


وش المجال اللي يغنيك عن الوظيفة؟

مع العلم بأنني متزوج و لدي وظيفة راتبها 11000 ولكنها متعبة جدا

اولا لا تفكر تترك الوظيفة حتى تجد البديل المضمون
ثانيا اشتغل الوساطه من خلال جوالك وابحث عن العروض والطلبات وابدأ كون نفسك فيها واذا فادك بشيء تعال علمني .

الوساطه شغله سهله ومريحه لكن بعض البيوع متعبه كالعقار تاخذ كر وفر وتعب وبالاخير ما تجد مشتري جاد !!!

انا لا احبطك لكن اعمل فيها كعمل اخر بوقت فراغك او وقت راحتك بعد الدوام لكن ابعد عن العروض ذات المبالغ الخياليه فربما تكون وهم وتاخذ من وقتك الكثير الكثير دون فائده ترجى .

وفقك الله ورزقك ما تتمنى .

كنت اشتغل في احد البنوك بتمويل السيارات

وكان فيه واحد مصري نتواصل معه علشان يجيب لنا السيارات ونبيعها على العملاء
وكل شغلنا معه بالجوال ماعمرنا شفناه

كنا نتصل عليه وهو يدق على معارض السيارات ويجيب لنا عروض اسعار ويرسلها لنا بالفاكس
وكان هالمصري هذا يجيب لنا شبه يومي تقريبا من 5 الى 10 سيارات يوميا

ولما قابلناه وجلسنا نسولف معه قال ان دخله الشهري ما يقل عن 30000 ريال
لأنه كان ياخذ من المعرض من كل سيارة ما يقل عن 200 ريال
الله يرزقنا وياه.
وكل شغله بالجوال , واذا تبي معلومات اكثر تواصل معي عالخاص

بالتوفيق

الوساطة تقدر تشتغلها وانت في وظيفتك لكن دخلها الشهري مستحيل يوصل مبلغ راتبك وحتى لو حصلت في عملية ضعف راتبك ممكن تجلس شهور ما بعت شيء خاصة العقار هالوقت ميت ما هو راكد بس

كلامي عن تجربة

اما اشتغل وساطة وانت في شغلك او اشتر بضاعة وبعها بمعرفتك عن طريق اللتجارة الالكترونية والاقتراح الاخير انسب لك

افتح مكتب عقار
لتاجير الشقق والمحلات طبعا اللي بياجر شقته ومحلاته بيجيك هو بنفسه مايحتاج تبحث عنه وعمولتك تاخذها من المستاجر مالا يقل عن 500 ريال

نفس سؤال الاخ لاكن اضيف عليه كيف اضمن العموله اذا كان البيع عقار مثلاً؟
بالنسبه لفتح المكتب عقاري اشوف انه غير مجدي ابداً العقار تشتغل بالجوال احسن من فتح المحل وزياده ايجار على نفسك بالفاضي
موضوع جيد شكراً لك .... متابع