السلام عليكم ورحمة الله وبركاته
صباح الخير للجميع

واسعد الله اوقاتكم بكل خير

بدخل في الموضوع من دون اي مقدمات انا اناوي باذن الله افتح محل عصائر وعرائسي وحصلت محل موقعه ممتاز جدا ونشط وبه مواقف طبعا قيمة ايجاره سنويا 50.000 يعني بالشهر 4000 صاحب المحل ماعنده اشكالية بخصوص الايجار سواء دفعات او حتى شهريا كل شهر بشهره وبعد عناء البحث يالله حصلت هالمحل بالصدفه استفساراتي كالاتي :

اولا / انا ماعندي سجل تجاري هل استطيع استئجار المحل بدون سجل والا لازم يكون عندي سجل اول .

ثانيا/ هل تنصحوني بالعمالة الفلبينية وكم عامل استقدم وكم تكلف تاشيرتهم .

ثالثا والاهم / المحل موقعه ممتاز كما ذكرت وماابغاه يطير علي هل تنصحوني استاجر المحل الان وابدا في الاجراءات الاخرى والا لا .

رابعا/ حصلت عامل يماني محترف في العصيرات وهو على كفالة شخص ويبي ينقل كفالته واحتمال مايوافق كفيله في هالحاله هل يعمل خروج نهائي واطلع له تاشيره والا كيف .

اتمنى تفيدوني لاهنتو .

لا املك سوى ان اقول لك بالتوفيق يا عزيزي

واحسب التكاليف بالتفصيل والمردود المتوقع من اول يوم

اتوقع ان الايجار غالي على محل عصيرات لازم تدرس الموضوع زيييييين قبل ما تتخذ القرار


اتمنى لك التوفيق والنجاح

اخوي الله يسعدك لا بد من سجل تجاري ورخصة بلدية لمزاولة النشاط

بخصوص الاجار اذا المكان مناسب ونشط ما اتوقع يكون غالي

وبخصوص العمالة بعد استكمال جميع الاجراءات تفتح ملف في مكتب العمل وانهاء اجراءات التامينات الاجتماعية

وتسجيل السعودة يتم تقديم طلب التاشيرات عن طريق الموقع الالكتروني

ولكل تأشيرة واحده 2000 ريال رسوم

واذا تحتاج الى اي استفسار انا بالخدمة

ونتمنى لك التوفيق بعملك

طريقة انك تجعل العامل اليمنى يسافر عن كفيلة وبعدين تجيبة
اسأل فيها من الناحية الشرعية
وهل ترضى اني اجي لعامل من عمالك واسوي معه نفس الحركة هذه؟؟؟

اكتب عقد ايجار مع صاحب المحل واحرص ان يكون لمدة طويلة ثم اكمل اجراءت الترخيص

والسجل التجاري ثم سجل ملف مكتب العمل حتى تتمكن من طلب تأشيرات

لكن احذر من سحب عامل كفيله يبغاه ومتمسك فيه مهما حاول العامل ان يغريك اتق الله

واستقدم عمال من اي جنسية ترغب بها

اتمنى لك التوفيق

الله يجزاكم خير ويسعدكم دنيا واخره اشكر كل من نصحني ورد على موضوعي ونصايحكم باخذها بعين الاعتبار فانا ماطرحت هالموضوع هنا الا وانا استشارتكم تهمني ع العموم الشي اللي مخليني متردد انو صاحب المحل رفض يعطيني عقد ايجار لمدة خمس سنوات لاني قلت له ابي العقد يكون خمس سنوات قال لا اعطيك العقد مثلك مثل باقي المحلات سنوي وكل سنه تجدد قلت وش يضمن لي انك تجدد لي يمكن اتعب بالمحل من ديكورات وغيره وتطلعني بعدين قال لا انا اضمن لك تستمر اذا بتدفع الاجار اول باول فايش رايكم بها الكلام

عليكم السلام ورحمة الله وبركاته ..
أولا أصلا أنت ماتقدر تطلع سجل تجاري إلا بعقد إيجار مصدق من الغرفة التجاريه ..
يعني تكتب عقد المحل بمكتب عقاري ويوثقه لك أو توثقه أنت بـ25 ريال..
يعني تستأجر محل تطلع رخصه من البلديه وتشترك بالغرفه التجاريه وتطلع رخص الدفاع المدني وغيرها من الامور ..
وهي سهله ولكن أحيانا يعقدونك بغياب الموظف أو شروط المحل صحيه أو واجهه أو غيرها ..
فيه حد بعشر أيام يخلص وفيه أحد بشهرين ..
لذلك أفضل شي تتفق مع مكتب يمشي معك أو ينجزها بدونك لانه بيكون يعرف موظفي هالإدارات ..
أنا أنصحك إذا معك ميزانيه كامله تدفع إيجار ست شهور عشان تفرغ نفسك للباقي ماتجلس تحسب ..
لأنك بالبدايه يبي لك صبر ونفس طوييل لكونك جديد بتواجه عدد من المشاكل أهمها مدخول المحل ورغبة الزباين لك وغيرها ..

انت في منطقة
محلات العصائر احرص ان تكون في اماكن مزدحمة - اماكن عمالة - محطة متحركة- سوق مثل جوالات بجانبها
العمالة الفلبين ماانصحك بهم -اليمنين كويسين نوعا ما -الافضل من تجربة الباكستانيين والمصريين

أهم شي لاتقدم قبل تدرس السوق بشكل جيد والبتوفيق