السلام علييكم

مدري من وين ابدا الززبدة انا توي مخلص ثنوي نسبتي 63.77 علمي قدمت على المدرعات و المظلات انقبلت في المدرعات مبدئي وباقي الفحص بعد 3 شهور وعندي المضلات انقبلت والدورة شهر 7
مشكلتي الي عقدتني الوالد ما يبيني أتوضف الا وظيفة خورافية بنسبتي ذي انا راضي وفرحان
بالقبول وانشاء الله انقبل قلت بركب راسي و ادخلها غصب بس فيه مسوخ يوقعها يقولي
بدخلك عندي الشوون الرياضية اضن راتبها زق الزق ولا يهمه الا الراحه والباقي ما فكر فيها ابي
حل اوقع الاشياء ذي الحين ما فيه وضايف العطاله ماليه البلد ولا لي في الدراسة والشركات

انا ادري انه يبي مصلحتي بس العطاله ماليه البلد والوضيفتين حلوه للي مثلي والي فيها ماهم ارجل مني ابي اتوضف زي الناس و اعتمد على نفسي مابي بكره ابيع بسوق الخضرة ولا الحراج

هل اقدر اوقهعا وحدي ولا لازم بصمات منه ؟؟
اذا انا وقعتها او خليت أحد يوقعها راح يكتشفوني ؟؟ ما يتاكدون الا يوم ابي افصل وكذا ؟؟
هل فيه اشياء لازم يوقعها غير المسوخ ذي ؟؟
لو عرفوا أني موقعها وش راح يصير ؟؟
كم رواتب الشوون الرياضية الي عذبنا فيها وكل الي تعرفه عنها ؟؟

دعواتكم

الله يوفقك دامك هاوي العسكريه وتحب القطاع العملي مثل المظلات والمدرعات فتوكل على الله ولاتنسى الاستخاره .

والله ي الطيب اهم شي رضئ الوالدين قبل اي مصلحة بدنيا
انت حاول تقنعة عشان تمشي امورك

50 مشاهدة ولا أحد جاوبني معقوله ولا واحد عسكري يفيدني

أستعين بناس يقنعوه ممكن هو مايعرف أن فيه عالم خريحين جامعات
بإمتياز مالقو وظائف شوف أقرب واحد لأبوك كلمه يقنعه
ونسبتك هاذي نعمه أنك أنقبلت حتى الجامعات ماتقبلك بالنسبه
هاذي والوظائف الحكوميه لازم جامعه
ممكن أبوك على العهد القديم يحسب شهادة الثانويه
توظفك بأعلى المناصب.
والله يوفقك ويسر أمرك.

شف يالغالي حاول في ابوك ولاتنسى رضا الوالدين
واذا عند شف عمك او اخوك الكبير يوقعها اهم شي اوجد لك ولي امر

أبوك خايف عليك لأن الدورة بتجمع من كل البشر نوع ( الدشير و اهل المخدرات وو ) و لأنك توك متخرج و شكلك من كلامك توك ورع

و أبوك أدری بمصلحتك أنت توك صغير و متهور

إذا ابوك بيدخلك وظيفه مدنية ( الشؤون الرياضية ) ادخلها و انت مغمض وكمل جامعه انتساب
بتترقی و بيزيد راتبك مع الوقت و الوظائف المدنية في التقاعد أفضل من العسكريه

شكرا للنصحني بس انا عارف مصلحتي وعارف العسكرية
انا صامل ولا جيت اناقش احد انا ابي اجوبة للي بالأحمر

معقوله المشهادات فوق الـ200 محد وقع المسوخات ولا يعرف عنها شي

اهم شي وانا واخوك رضى الوالدين بالمقام الاول وزي م قالوا الاخوان حاول انك تنقنعه وتجيب ناس يقنعوه معك

بالنسبه للمسوغات م يحتاجون بصمات احد الا بصماتك وختم الشيخ او العمده فقط وصور من كرت العايلة وصور من بطاقة والدك فقط