السلام عليكم ورحمة الله وبركاته
باختصار انا بانتظار الترشيح النهائي
طبعا رغباتي كثيرة وبكل مدينة بالمملكة اخترت عليها اكثر من وظيفه ،،، ولا ادري في اي رغبة راح يرشحوني
الزبده لي قريب لي مدير احد الادارات الخدمية بالمنطقة وسالني اي مدينة ترشحت وقلت له ما بين للحين !!!
قال اذا ترشحت نهائي رح الديوان وراح اعطيك رقم وظيفة شاغره في الادارة نفس تخصصك ومرتبتك ،، وبكذا الديوان يتساعدون معك ويرشحونك على الوظيفة اللي عندي ... طبعا الوظيفه اللي عنده مالها علاقة بالمفاضلة ولاهي من ضمن المفاضلات ..... ياليت اللي عنده خبره في الديوان يفيدني فيها
هل هي نظامية كذا ،،، يعني اقدر اسويها واترشح عليها ؟؟؟؟؟

سوال جيد

شوف في هذه الحالة ماتقدر تقول نظامي وغير نظامي
اولا لانك مرشح نهائي
و ثانيا لانه اي شخص بمعرفة او بغير معرفة يمكنة يدلك على رقم شاغر

ولان شغور رقم ماهو بيد الادارة ولا الخدمة المدنية
لانه محتمل موظف ترقى او تقاعد او استقال وشغر رقمه

في هذه الحالة مدير الادارة يقلك لدينا رقم شاغر ولم يطرح بعد للخدمة المدنية وبما انك مرشج نسق مع الخدمة المدنيه يرشحك عليه

طبعا هذه الكلام اول مدري بعد جدارة تغير او مازال

لاكن يبقى السوال ما فائدة الرغبات وافضليتها في الترشيح فهمت !!

يمكن انت ترشحت بنقاط اقل لان المكان الي اخترته محد يرغبه ولو هذه الوظيفة الي لقيتها طرحت ومرغوبة لاكان تنافس عليها المتقدمين ويمكن حصل عليها غيرك

نجي للشق الثاني اذا رفضت الخدمة المدنيه ترشيحك على الرقم الي حصلته تقدر تشغرة عن طريق النقل وبكذا قدرت تشغله

الله يوفقك وتتسهل معاك واعطيني الاخباراذا جد معاك جديد

ما اتوقع ان الخدمة المدنية راح توافق , لانه هذا الرقم الوظيفي الشاغر لابد ان يمر بمراحل من ضمنها

الاعلان عن الوظائف الشاغرة ومن ثم المفاضلة عليها .

افضل طريقة للاستفادة من هذا الرقم الوظيفي الشاغر هو تقدر تستفيد منه في النقل .

بحيث اذا توظفت ان شاء الله في منطقة اخرى تقدر تطلب النقل بعد سنة اللي هي سنة التجربة

الى هذي الوظيفة اللي بنفس منطقتك .

كونك مرشح من الخدمة المدنية وحصلت رقم وظيفي مطابق لنفس ترشحك ولا يزيد عنها فما في مشكلة في الحاله هذي يساعدون معاك الإخوان في الخدمة المدنية لا ضرر ولا ضررار أعرف وأحد من الزملاء ترشح على وظيفة في الشمال وهو من الجنوب راح للوزارة طبعآ الخدمة المدنية وحاول إن يقربوه لديرته إلا أنهم قالوا ما نقدر هذا هو الرقم الشاغر الموجود. إنما روح لأي جهه حكومية تابعة للخدمة المدنية وجيب لنا رقم مطابق لمرتبتك وأبشر ننطق الرقم عليك والله ودور لين حصل في الشئون الاجتماعية وما قصروا و الآن الرجال له حول 4 سنوات






ربي يوفقك يالحبيب وعقبالنا والبقية.....