السلام عليكم ورحمة الله وبركاته
أسعد الله اوقاتكم بكل خير
احبابي الكرام حبيت أخبركم أن هناك مجمعات تجارية قوية بدأ التأجير فيها
لأن من اﻻفضل أن يكون مشروعك بمجمع تجاري يقبلون عليه الناس والله يوفقنا واياكم ويرزقنا من واسع فضله
طبعاً كلها بالرياض وبالتحديد غرب المنطقة وجنوبها
المجمع اﻻول# سوق الخضار انتوا عارفين ان مشروع المترو( قطار الرياض)بدأ ومحطة غرب الرياض موقعها بجانب سوق الخضار اللي بحي البديعة فتم نزع الملكية من المستثمر فقام ببناء مجمع جديد بجانب أسواق القرية الشعبية قبل مركز شرطة طويق وصف الموقع :الدائري الغربي بأتجاه الشمال يجيك مخرج 29 تطلع معاه وتروح يسار بأتجاه الغرب تجيك إشارة انتبهوا فيها ساهر تتعداها 200 متر المجمع يصير على يدك اليمين وإدارة السوق بالموقع القديم لسوق الخضار وللعلم مجمع متكامل خضار وفواكه ودواجن وتمور ولحوم واسماك


المجمع الثاني# مجمع تجاري بحي ظهرة لبن من فترة بسيطة بدأ اﻻجار فيه وهو عبارة عن سوق مفتوح يعني مو مغطى مثل طريقة الموﻻت فيه مايقارب 80 فتحة
وصف الموقع: تتعدى الجسر المعلق بأتجاه الشمال يجيك مخرج 34 شارع الطائف تلف معاه يسار يصير اتجاهك غرب يجيك نادي الرياض على يدك اليمين تتعدى حتى يجيك تقاطع شارع حائل تروح يسار يصير اتجاهك جنوب تمشي حوالي 500 يجيك هايبر بندة وقبلة تقاطع رح مع التقاطع يمين يصير بندة على يسارك ووجهك غرب 200 متر ويجيك دوار تتعداه تلقى المجمع على يسارك
المجمع الثالث# حراج بن قاسم الجديد محلات كبيرة جداً وبيشيب رأسك من كثرها
وصف الموقع: الدائري الجنوبي وانت بأتجاه الشرق يجيك مخرج طريق الحائر تروح معاه يمين
وتصير بإتجاه الجنوب تروح طوالي سيده بيجيك مخرج العزيزية تتعداه وتطلع فوق الكبري اول ماتتعدا الكبري يجيك محطة على اليمين تلف بعدها يمين 100 متر والحراج على يدك اليسار
إدارة السوق بمجمع التعمير اللي بطريق الملك فهد'
انتهى
هذي ثلاث مواقع تجارية جميلة جدا واﻻجمل أنها تستنا شباب سعودي صامل على العمل وتكسر حاجز الخجل والحياء ويطلب الله الرزق واﻻعتماد على نفسة
سامحوني إذا طولت عليكم وﻻ حستكم بالوصف
وبالنهاية ما أبي اﻻ ((دعائكم)) وفقنا الله وإياكم لما يحب ويرضى واسأله سبحانه ان يفتح لنا أبواب الرزق وصلى الله على نبينا محمد وعلى آله وصحبه أجمعين.