السلام عليكم ورحمة الله وبركاته
ي إخوان انا ابي مساعدتكم تكفووون
انا خريج ثانويه وانتظر يفتح التسجيل في البرامج التدريب مثل أرامكو ITC و الكهرباء ....
ولأن جتني وظيفة بسيطه بس لازم أسجل اسمي بالتأمينات! ! سؤالي / هل يؤثر تسجيل اسمي بالتأمينات على التسجيل بالتدريب ؟؟ ناس يقولون عادي ما يؤثر وناس يقولون لا والله ما .😔
2 _ وش معنى مدعوم من الصندوق الموارد البشرية ؟؟ يعني اذا سجلت اسمي بالتأمينات معناه اني مدعوم من الصندوق الموارد البشرية ولا كيف ؟
لأن أكثر الشركات من شروطهم أن لا يكون مدعوم من الصندوق الموارد البشرية !!
. الله يوفق الجميع 😘

اعتقد تتعارض معها لان اغلب التقديمات من شروطهم ان يكون غير موظف
بالنسبه لصندوق الموارد مو كل المسجلين بالتامينات مسجلين فيه
ومانصحك تقدم عالشركات اللي يطلبو شرط الموارد البشريه
لان رواتبهم لو كانت مثلا 5000 هم بالحقيقه يدفعو 2500 والموارد تدفع 2500
وطبعا الموارد مو كل مره تبي تدعمك لهم شروط لذلك اي شركة تشوف من شروطها ان لم يسبق له التسجيل بالموارد البشريه هذي ابعد عنها

تبي نصيحتي ابعد عن التسجيل بالموارد البشرية لانها تحرمك من التدريب انا رفضوني معهد سرب التابع للخطوط الحديدية بسبب اني سبق دعمي من الموارد مع ان درجاتي حلوه
اما التامينات ما فيها مشكله بس تجنب الموارد تحرمك من الكهرباء وارامكو هذا الي اعرفه

الله يعافيك
أغلب الشركات تسجلك بالموارد لان الموارد تدفع نص الراتب وكثير من الشركات ما تقبل الموظف الا اذا كان غير مدعوم عشان يستفيدون منه واذا خلص الدعم كرشوه
دور لك وظيفه بدون تسجيل بالتامينات عشان تظمن انه ما يسجلك بالموارد واصلا من ضمن شروط العقد انه يحق لهم تسجيلك بالموارد فكذا حركتهم نظاميه
وبعدين ترى ما باقي شيء عن تقديم شركة الكهرباء راح يفتح بشهر شعبان فلا تستعجل وتضيع عليك فرصة العمر خذها نصيحة من اخوك انا مجرب ولا تسمع لكلام شخص يفتي من راسه اذا ماهو مجرب الشيء

بالتوفيق