السلام عليكم

يا جماعة الخير انا اتصلو فيني الشركة السعودية للكهرباء قبل شهرين ونص تقريباً
وسويت مقابلة معهم وعن كلامهم انهم قبلوني كإدارة وانهم سوو لي طلب توظيف
بس الغريب ان لي شهرين ونص الحين ما جاني خبر والاغرب اني اذا اتصلت عليهم استفسر يقولون لي ان طلب التوظيف حقك جاهز بس التوظيف متوقف هالايام من الموارد ننتظرهم يفتحونة ونقدم طلباتنا


مدري اذا احد عنده فكره عن هالموضوع او لاء لاني بصراحة ما ودي اتأمل اكثر وفي النهاية يكون هذا مجرد مماطلة لين انسا ..،،،،


اذا احد له تجربة او عنده خبر وش صاير معهم يرد علي الله يجزاه خير
مع العلم ان الوظيفة الي انا مقبول فيها (إدارية) يعني مو فني او مهندس لان حسب ما فهمت ان التوظيف عندهم يختلف في هذا المجالين

احد الزملاء في شركة الكهرباء ذكر لي إن فعلا التوظيف هالفتره موقف من الإداره العليا , انتظر ولعلى ان شاء الله فعلا يتواصلون معك

مشكووور وجزاك الله خيرااً
طمنتني


الله يوفقنا جميعاً إلى ما فيه خير لنا

وعليكم السلآم ورحمة الله وبركآته ،

،،

أخــوي خذهـــآ مني " إلتــــوظيف متـــوقف من الرئيس التنفيذي " | زيــآد الشيحة |

،،

إلى أجل غير مسمى ،

يعني الله يعينك تنتظر , انا موظف بالشركة , وهذا الي حاصل ,, حتى الموظفين إلي تحت مقاولين ،

متوقف ترسيمهم ، بمعنى إنه اذا فتح التوظيف ، يبدأون فرز الإسماء إلي بتترسم ،،

بالتوفيق ي الغالي ،

مهندس

اخوي له ثلاث سنين شغال عندهم مقاول

ولا رسموه الى يومك

جزاكم الله خير
بننتظر والشكوى لله

بس زين على الاقل ان الكلام صحيح
لاني خفت يكون تهرب او ما شابهـ



الله يسعدكم ويوفقكم ويحقق لكم ما تتمنون

وليش موقفين التوظيف؟

محد عطاني خبر عن السبب



الله يصبرني