السلام عليكم ورحمة الله وبركاته
تبي ينلحس مخك تعال ...خلك معي
هيا تعااال هيا تعاااال
اولا ابتكلم شوي عن حقوق الانسان..
الانسان هو اول كائن حي بنا الارض وهو اول من عمرها بعد ما استوطنها الجن..
ثم جاءت الديناصورات وحضارتها ومالبثت ان زحلطن من جديد يقولون بسبب قنبلة سقطت من السماء يقول العلماء انها سببت ثقب في الارض هههه مساكين العلماء لو يجون يشوفون شوارع جدة كأننا تو اللي صاقعنا النيزك مدري القنبلة...بعض العلماء ماعندهم سالفة زي مروان تلودي بس يبربر بدون فايدة بس ينقلوا لنا كلام مايدخل العقل مرة نهاية العالم بتكون بعد شهر ومرة بعد اسبوع ومرة كوكب بيصدم كوكب الارض ومرة كوكب الارض يشطف عطارد ....ومرة كوكب زحل متجاوز دوريتين وكوكب نبتون ماشي على كفرين ومعاه المشتري منزل يده ومسوي حبتين ومرة كوكب زحل قالبها ملاهي .....المهم ماعليكم من هالسالفة اعتبروها سواليف عصرية مع شيبان متقاعدين....

من حقوق الانسان اختيار الالفاظ المناسبة يعني احترامه حتى لو كان دب مو مشكلة...استغفر الله العظيم ما ودي اغلط على احد بس ماله داعي التجريح والتلاعب بالمشاعير والمحاسيس حتى لو كان طفل ما يفهم ولا يعي وش معنى دب...
قبل يومين كنت في بنده وقابلت ورع صغير مع ابوه وكان يأشر علي وميت ضحك يقول دبه دبه قسم بالله انفقعت كبدتي من القهر المشكلة ان لي اسبوعين مسوي دايت ونزل وزني الى 85 كيلو و اخته الصغيرة تبكي تبغى واحد زيي تحسبني لعبة والله اني شيخ ولد شيخ واني راس قوم في ربعي لكن استغفر الله هالوراعين مايقدرون احد...


بالنسبة لحقوق الحيوان ...الحيوان هذا ملحوق على خير ان شاء الله ...والله انه ماخذ حقه بزيادة العري في الزبالة اكرمكم الله ينقي الاكل اللي يبغاه بعض الزبايل صايرة ميز للعري حتى صار يتقرف من الفار نسي وجبته المفضلة على مر العقود حتى صار خكري مدري هي خكري والا تستهبل اجل في عري ياكل كيك؟؟

اليوم رحت محل لبيع الحيوانات الاليفة لقيت عري منفوش ب1800 ريال ...!! الله واكبر عقب ما كنت احذفه بالنعال صاير الحين بسعر اضحية وبنتي الصغيرة تقولي بابا اشتريه !!!! اشتريه من فين خليني اروح ارش الجنب اليمين لسيارتي ....

اتذكر مرة واحد اهدالي بس شيرازي مدلع ونعومي ياربي ....ويتدحلس على رقبتي ويوم جا وقت النوم اشوف بينام معي!!! افاااا وش هالعلوم وش هالحركات واقوم احذفه عند الباب وجلس يصيح مياو مياو احسه بيقول مياااااو ياخي....ادق على اللي معطيني اياه قالي هذا له اكل خاص تلقاه في بنده ب25 ريال ...قلت والله ما ياكل الا تونة وعظم دجاج ....عندي 25 ريال ابروح اعبي بيها بنزين للفورد..صحيت الصباح لقيت ماسك زاوية خايف من صرصور وعلى ذا الحال لمدة اسبوعين جيت يوم من الايام لقيته ميت حطيته في كيس وبرميه الا شوي قاعد يرفس اخذته ووديته لبيطري لقيت هناك بساس العز كل وحدة جايبه البس حقها في صندوق قيمته 2000 ريال واكثر وانا جايب البس حقي في كرتون موز ورابط رقبته في واير عشان لايشرد وادخله للطبيب قالي يالهوي ده كان حيموت قلت له والله اني احسبه مات كنت برميه في السطل بس الظاهر انه عطس قالي عنده سوء تغذية ولازم مغذية قلت له كم بتكلف قالي حدود 800 ريال قلت اسمع ياباشا....عندي فورد واحد صدمه وهو واقف الله جعل الله صدمه بعاهة مستديرة قيمة الواجهة كاملة ب650 ريال من غير الزينون ورش الصدامات يعني بيطلع كامل بحدود 900 ريال ....وانت تطلبني 800 ريال عشان عري ابوه واجداداه كانو يتعشون من الزبالة وانت بكرامة والله كثير فيه 800 ريال ابعطيك 25 ريال وكرتون الموز خذه لك حلال عليك واذا عجبك تعال عندي في زبالة بعيدة عم بيتي جنبها مطبخ مندي وفيه بساس على كيف كيفك فيه منها الوان ومقاسات وفيه عري مسوي تقويم بذنبه بس ماتوصل لسوء تغذية وهالمبالغ الطائلة...
المهم اتفقت ابيعه له ب 1950 ريال وبعد البيعة فك المغذي عن العري طلعت السالفة كلها نصب في نصب....

الزبدة
نبا حقوق للرياجيل قبل حقوق البساس.
نبا نزفلت الشوارع في جدة.

وسلامتكم

المعذرة على الموضوع الملخبط
فمان الله