السلام عليكم ورحمة الله وبركاته


حابه اسأل للي عنده علم وخبره بالموضوع عن بيع الافكار التجارية

عندي مجموعة افكار تجاريه مو موجوده هنا شفتها من خلال سفراتي لمجموعة دول

حاولت اطبق بعضها لكن الى الان ماسمحت لي الفرص لعدم وجود الدعم المناسب


ولاحظت في بعض المواقع والمنتديات يعرضون افكارهم للبيع !!


كيف ابيع الفكره ؟ كيف اعرضها للبيع ؟ وكيف اضمن حقي عند اللي عرضت عليه الفكره ؟

يمكن يقول ماعجبتني و يطبقها ؟!


وكيف اسعر الفكره بكم ؟ وهل يفرق لو عملت دراسة جدوى كامله للمشروع مع عرض الفكره؟

اي اقتراحات او معلومات تعرفونها عن هالموضوع ؟


نقطه ثانيه عندي فكره مثلا لمنتج لمصانع القهوه كيف اعرضها عليهم واستلم مبلغ بيع الفكره عليهم؟ ايش الضمان اللي يصير بيني وبينهم لو طبقوها ؟

عليكم السلام ورحمة الله وبركاته ..
أختي بيع الأفكار في وطننا العربي غير موجود ..
لأنه بكل بساطه ليس هناك نظام أو آليه تضمن حقوقك في ذلك ..
هناك طريقه قانونيه سهله يمكنك أنتي تطبيقها ولكن عادة يتعب عليها أصحاب القدره على ذلك ..
اللي أفكارهم لها ثمن عالي جداً ويستحق أن يكافح من أجله ..

ولكن الطريقه هي كالآتي ..
تكتبين عقد لدى كتابة العدل (ماياخذ عشر دقايق ومجاني ) بينك وبين الطرف الآخر ..
ينص على أن الفكره لاتعرض لأحد ولا تنشر ..
وأنه في حال عدم إقتناعه بها لن يستثمرها ..
لا مالكا ولا شريك ولا أي دور كان ..
ولا يستغلها بالتحايل بتغيير أسم أو شكل بينما المضمون والفكره هي نفسها ....
وفي حال ثبت بأي وقت أنه قد نشر الفكره أو عرضها أنه سيدفع ثمن الفكره كاملا ..
كما أنه يوقع على صورة تشرح الفكره ..

وعقبال ماتبيعين أفكار بالملايين يارب ..
الله يوفقك ..

كلام اخوي العزيز الي فوق صحيح

مافي ضمان بقدر ما هو اتفاق و ثقه

بالنسبه للجدوى المشروع مهمه لانها تبين الفائده الكامله من المشروع وباختصار

بالتوفيق لك