و كم من معرفة قصيرة المدى جميلة المحتوى ، أعمق و أنقى من علاقة ااستمرت سنواات

مجاراه اعجبتني


لبيه لو ان الرجاء يطرد الياس
وان من سرى بالليل يصبح دليله
والله لشد لوصلنا قب الأفراس
وانصاك يابنت الحصان الاصيله

ياشوق من بعدك ترى. الفكر محتاس
فكري. معك. مافي. يديني وسيله
تركتني مابين رجواك والياس
عطني امل يابو عيونٍ. كحيله

اشتقت لك شـوق بلاحد وقياس
وأرجي وصالك كل يوم وليله

كني مع العالم ولاني مع الناس
اضحك وسـولف والخفايـاعليله

نفس المشاعر ياسيره والاحساس
وحاولت وصلك مير مالي وسيله

هذا الوله هم وقلق زود واتعاس
لو ودنا نخفيه مافيه حيله

جتني بيوتٍ كلها درر والماس
من واحدً شوقه تعدا حصيله

لاباس يامشتاق لاباس لاباس
الدمع لامن طاح مافيه حيله

مثلك حبيبي سلسبيله من الكاس
مايروي العطشان من سلسبيله

وانا له أمر القيس عف ابو نواس
ابكي ويضحك بالف ليله وليله

لاباس ياشاكي من الشوق لاباس
لاتحسب إن أحلامنا مستحيلة

بكره ليا جيته من الرأس للرأس
عادت معه كل الليال الجميله

تعال ورجع فرحتي بك والاوناس
القلب بعدك حزن الله وكيله
ولا تأخر يمرض القلب باليأس
واليأس ماينفع معه كل حيله