النفوس الكبيره تعرف اللي تبيه
ماتدوّر رضى العالم وتركض وراه
-
من يجامل وجيه ويستحي من وجيه
راح عمره وهو يمشي بدون إتجاه.

في شرهة الغالين تحتاج تفسير
البعض خافي بين صدقه وزيفه

احدً تشره من محبه . . وتقدير
واحدً تشره وده انك . . تعيفه

ترجع علي عقب ذا المده وانا داله
تبغي على حزني الاول ترجعني
.
مع ان جرح الفراق اللي على حاله
عاده لذلحين ، لاطروك يوجعني

هو ليه اول حبيب تصير له ذكرى
وإن جيت بعده تحب تصير ماتقدر
.
هو ليه جرحه هو الي بس ما يبرى
وجروح غيره تجي وتروح ما تذكر

أن كان مكتوب أنتلاقى على خير
مصيرنا فالمقبلات أنتوافق
.
أترك مواعيد اللقاء للمقادير
وانا لك أبترك من الود خافق

تمنيت قلبك لو يحس بي ثواني

ويعطف على خل متيم ومفتون

تمينت لكن ماهي بيدي الأماني

وما كل من يطلب حبيب له يكون

يا ما نهيت القلب ولكن عصاني

عزاه في حبك يكابر ومطعون

بالله ما ترحم حبيب يعاني

من كثر شوقه نادته الناس مجنون

معقول ما يكفيك دافي حناني

ذاك الحنان اللي تعدى مدى الكون

أعتب على قلب بحبك رماني

يوم نوى حبك و سماك مضنون

على سبيل السؤال و وينهم عني ؟
اللي مع البعد .. لا مرّوا و لا دقو

مصير اللي يكافح ، يجني الأرباح
طفت ضوّه بترجع تشتعل ضوّه !
تبي ترتاح ، وتعيش الزمن مرتاح
تخيّر ما يناسب ذاتك .. وسوّه

بانت خفايا ناس كانو عزيزين
جابت لنا الايام .. ماكان فيهم
ماني معاتبهم ، عتاب المحبيّن
الله يسامحهم ، ويـستر عليهم