السلام عليكم ورحمة الله

اسعد الله اوقاتكم

اخواني اصحاب الخبرة حبيت استفسر عن نقطة اللي هي

هل يحق لي قيادة ليموزين ..تاكسي.. يكون بأسم والدي او يعتبر مخالفة للقانون ؟
هل يستطيع الوالد تفويضي على هذه المركبة ام لا ؟ شروط التفويض ؟
علما بأني موظف لا استطيع تغيير مهنتي الى متسبب


وشكرا للجميع

للرفع !

التكسي فاشلة

شيلها من راسك دام انك توك مابديت ترجع من العمل تعبان وتروح تشتغل تكسي تتعب دبل تعب الدوام
التكسي راحة نفسية مافية
مافية الا نكد وهم وضياع مستقبل

اصبر ويرزقك الله احسن من وظيفتك

نصيحه حاول انك ترتاح من هم الوظيفه وعبودية الراتب ، دورلك ع مشروع كويس ، او صمم مشروع وسوي دراسة جدوى وقدمها للجهات المختصه ، بس الوظيفه مشروع جدا فاشل بحد ذاته استعباد حقيقي واستغلال !!

اخوي ..

تقدر تسوق التكسي وهو بإسم ابوك ولكن لازم يكون معك رخصة عمومي عشان المرور .. وسو تفويض للاحتياط ..
لكن غالبية المرور اذا شافوك سعودي يمشونك .. اخوي نفس النظام معه تكسي بإسم الوالد وعاطل .. اذا مسكوه قالهم :
عندك وظيفة توظفني ولا خلني اترزق الله ! .. وبعدها يخلونه يمشي ..
بس اهم شيء الرخصة العمومي .. واللي يقولك تعب .. هو تعب للي عنده وظيفة الصبح ويشتغل عليه الليل يكون متعب له شوي ..
بس ترى يطلع لك باليوم 100 ريال الى 200 ريال يعني من 3000 الى 6000 بالشهر - 6 الى 8 ساعات شغل ..

شف هالموضوع بيفيدك اكثر :
.. وش رايكم بالعمل على التاكسي .. اضغط هنا ..

الله يوفقك ويرزقك .. العمل ماهو عيب لكن العيب كل العيب انك تجلس بالبيت وتنتظر الرزق يجيك من السماء .. اعمل ولو بائع او اي شيء ولا تطلب اهلك والناس حق يومك ..

او تشوف لك وظيفة أمن بدون تأمينات .. تشتغل فيها الليل اذا انت موظف .. يعني براتب 3000 الى 4000 ..