أو ماهو موجود

والله يوفق الجميع 🌹

ولا نستعجل ولكن يقول الله جل علاه قل لن يصيبنا إلا ما كتب الله لنا
توكلنا كله على الله ومن يتوكل على فهو حسبه ان الله بالغ أمره

جزاك الله خير أخ عيسى...الله يكتب لنا ولكم كل خير

الله يجزاك بالخير يا اخ عيسى والله يجمل حالك على المعلومات .. فعلا نفس الكلام اللي قالوه لي الاسبوع اللي طاف ولا صار شي .. لكن يا اخوان ويا خوات طولوا بالكم شوي لا تفكرون فيها واجد خلاص اللي علينا سويناه .. قالوا تعالو للاختبار وجيناهم واختبرنا ثم قالو تعالوا للمقابلة الشخصية وهم بعد جينا وسوينا المقابلة وعندهم مؤهلاتنا وبياناتنا وكل المعلومات عنا وكلن بجهده والحمدلله على كل حال خلاص مابيدنا شي نسويه وننتظر الاعلان منهم .. ترا كثرة التفكير ووالهواجيس بالوظيفة هذه تجيب القهر والهم والوسواس .. خلوهم متى ماحبوا يعلنون راح ندري عنها ..

المقصد من كلامي كله لا تتأملون فيها واجد وانا اول واحد عشان محد ينصدم لا يسمح الله ويبتلى بالقهر والهم .. حاولو تدورون شي ثاني لعل الله يكتب لنا ولكم افضل منها ..

انا صار لي تسعة سنين عاطل وتغربلت من ديرة لـ ديرة ومن اختبار لـ اختبار ومافيه الا مسك خطوط واخرها قبل امس طلعت لـ اختبار جامعة الامام محمد بن سعود بالرياض رحت اختبرت وجيت مع اني متأكد ماراح يقبلوني لكن الامل بالله كبير ..
وكثير وصلت للمراحل النهائيه للوظائف وبالاخير .. انصدم ! والله اني على الحال ذا صار لي تسعة سنين انقهرت كثير وزعلت كثير وتغيرت نفسيتي وهم وغم كله بسبة التفكير بالوظايف اللي اقدم عليها وموتر نفسي انتظر متى بس تطلع النتايج ! وهذاني معكم الحين ماستفدت شي غير الهواجيس والخيالات ..

لا تزعلون انفسكم وظيفة راحت ووظائف جايه .. ( مازالت الحياه مستمره .. ومازال الامل موجود )

والله يكتب اللي فيه الخير لي ولكم ان شاءالله .. واعتذر على الاطالة

انا عن نفسي لقيت وظيفه ف القطاع الخاص وباشرت متى ماجات تجي
وان ماجات خيره من رب العالمين

مصخوهااااا