مشكلة مع معهد ريادة ارجو مساعدتي

سيلوف · #1 (**permalink**) 13-04-2015, 11:02 PM

السلام عليكم
ارجو مساعدتي ياشباب لاني محتار بين الوظيفه والمشروع
انا موظف قطاع خاص وقدمت على معهد ريادة وتمت الموافقه على مشروع مبدئيا بعدها طلبوا مني اجراء المقابلة الشخصيه وهي كالتالي
اشرح مشروعك
من ويين جاتك الفكرة
كيف راح تنافس التجار الكبار وعندك نفس سلعتهم
على العموم جاوبت جميع الاسئلة بكل ثقه واقتنعوا بنجاح مشروعي لكن المصيبه هنا
قالي مدير المعهد انت طالب دعم بمبلغ 300000 ريال خليني اعطيك قصة بسيطه عن شخص اخذ قرض من عندنا بمبلغ 180000 ريال وبرضه موظف قطاع خاص وراتبه 7500 ريال وترك وظيفته لان مشروعه يدخله دخل اكثر من 7500 ريال
وانت تطلب قرض 300000 ريال وراتبك 6500 ريال فما رأيك بعدها صمت لمدة دقائق وماعرفت ايش ارد على المدير
بعدها تكلم المدير وقالي ياطيب انا موافق على مشروعك بس بنك التسليف راح يطلب منك تقديم استقالتك لان من ظمن شروط التفرغ التام
ايشرايكم ياهل المشورة مابين وظيفة او مشروع
شكرا

معهد رياده · #2 (**permalink**) 14-04-2015, 12:00 AM

وعلليكم السلام

هذا شي معتمد لمشروعك وعن ربحه
اذا انت تشوف ان المشروع ناجح وبيطلع لك ربح اكثر من راتبك الوضيفي ...ما يحتاج تشاور احد افصل وانت مغمض
لاكن حبيت انبهك بكم نقطه

طبعا من اول ما تقدم في المعهد الين تاخذ الدفعه الاولى تقريبا 8 شهور ...
8 شهور ذي خلك في الوضيفه
طبعا قبل ما تستلم الدفعه الاولى لازم تروح للوضيفه وتسوي استقاله وينزلونك من التامينات وتاخذ القرض من وقته
ومثل ما قت لك الجواب راجع لك وراجع لارباح المحل ..
اتمنى وصلت المعلومه
دمتم بود

سيلوف · #3 (**permalink**) 14-04-2015, 12:13 AM

اقتباس:

المشاركة الأصلية كتبت بواسطة معهد رياده

وعلليكم السلام

هذا شي معتمد لمشروعك وعن ربحه
اذا انت تشوف ان المشروع ناجح وبيطلع لك ربح اكثر من راتبك الوضيفي ...ما يحتاج تشاور احد افصل وانت مغمض
لاكن حبيت انبهك بكم نقطه

طبعا من اول ما تقدم في المعهد الين تاخذ الدفعه الاولى تقريبا 8 شهور ...
8 شهور ذي خلك في الوضيفه
طبعا قبل ما تستلم الدفعه الاولى لازم تروح للوضيفه وتسوي استقاله وينزلونك من التامينات وتاخذ القرض من وقته
ومثل ما قت لك الجواب راجع لك وراجع لارباح المحل ..
اتمنى وصلت المعلومه
دمتم بود

اشكرك اخوي على الرد السريع بس تعرف انا ماقدر اجازف والمشروع فكرته ناجحه بس ماقدر احدد الدخل وبعديين الله لايقدر لو طلعت الربحيه اقل من راتبي ماراح اقدر ارجع للوظيفتي وهذي مشكلة

ايفون سته · #4 (**permalink**) 14-04-2015, 12:50 AM

عصفور بيدك احسن من 10 على الشجرة

ينزل لك راتب ثابت شهريا افضل من المشروع يمكن يخسر
ثم تخسر الوظيفة والمشروع

حاول تبدا مشروع صغير واهنم بتطويره شوي شوي حتى تستغني عن الوظيفة

سيلوف · #5 (**permalink**) 14-04-2015, 12:58 AM

اقتباس:

المشاركة الأصلية كتبت بواسطة ايفون سته

عصفور بيدك احسن من 10 على الشجرة

ينزل لك راتب ثابت شهريا افضل من المشروع يمكن يخسر
ثم تخسر الوظيفة والمشروع

حاول تبدا مشروع صغير واهنم بتطويره شوي شوي حتى تستغني عن الوظيفة

ايفون كلامك جميل وهذا اللي راح اسويه بالنسبة لمشروع صغير فكرته ممتازة بس برضه لا استطيع والسبب يرجع اجار الموقع يكسر الظهر

التاجر التقني · #6 (**permalink**) 14-04-2015, 01:20 AM

أنصحك أخي الحبيب خل الفكرة في بالك وحطها مسودة
وابدأ بشغل التجميع بطريقة الجمعيات وخل راس مالك صير 50 ألف وابدا بتنميته من التجارة من الصين أو منغيره من المشاريع حتى يصير راس المال اللي أنت تبيه
أحسن لك من أنك تخسر وظيفتك ولا تضمن تجارتك ومشروعكك

سيلوف · #7 (**permalink**) 14-04-2015, 01:44 AM

بس ليه المعهد يسوي كذا مفروض البنك يستقطعها من راتبي مو يخيرني بين وظيفتي او المشروع

ميثم العنزي · #8 (**permalink**) 14-04-2015, 03:17 AM

والله ياخي اذا انت مرتاح بوظيفتك اقولك لاتفرط فيها .. وانصحك انك تاخذ قرض من البنك اللي راتبك عليه وتشوف لك مشروع صغير مناسب على راتبك البنك يعطيك حول 110 الف واللحين اغلب البنوك فوائدهم قليله افتح المشروع اللي براسك وخل البنك يستقطع من راتبك وشوي شوي طور نفسك وصدقني مااحد بدأ من 10 اغلب الناجحين بدو من 0 ..