[align=center]السلام عليكم ورحمة الله وبركاته
اعضاء المنتدى الجميل

احببت منكم مساعدة

انا قدمت على معهد ريادة لدعم المشاريع
وكان مشروعي خضار وفواكة وتمور
واليوم جاني رسائل انه لدي غدا الاربعاء 26/6/1436هــ مقابلة
فحبيت اعرف ماهي هذه المقابلة ووماهي الاسئلة المطروحة
ولاصحاب الخبرة هل اتوكل على الله وادخل هذه المجال
لان اكثر اصحاب المحلات تقول توكل على اىلله


لا تبخلوا علينا بما تستطيعون
ولكم مني جزيل الشكر


محبك صاحب مركز النخبة للخضار والفواكة والتمور [/align]

هدفهم من المقابلة انهم يعرفون هل انت عندك خبره بالنشاط
هل عندك المعرفة الكافيه حتى تقدر بعدين تدير مشروعك وتشغله
تعرف الموردين؟ كيف تسوق وتبيع ؟ وش افكارك اللي مخطط لها ؟ التراخيص اللي تحتاجها؟
عندك زباين يشترون منك؟ كم مبيعاتك؟ وين مقرر تفتح مشروعك؟ كيف الايجار؟ بتشغل عماله اجنبية معاك او سعوديين؟ وكم تحتاج؟ كل شي يخص المشروع ممكن يسألونك عنه
اذا عندك المعرفة الكافية والخبرة بمشروعك بتنجح ان شاء الله
والله يوفقك

reeem22

جزاك الله خير وما قصرت
وسوف اوفيكم بالعلوم بعد المقابلة

اخوك انا اجريت المقابله قبل يومين اول شي راح يسئلونك هل انت موظف ولا لا
بعدها يسئلونك كيف راح تستورد المنتج او البضاعه من المورديين وكيف راح تنافس التجار الكبار وانت تاجر صغير او صاحب محل صغير
ارجو اني افدتك

امس 26/6/1436هـ رحت سويت مقابلة عند ريادة وقالوا لي رح شف لك موقع غير الموقع اللي انت مختاره
وقالوا فيه كم محل فتح وخسر
وقالوا راس المالي عالي
100000ريال مائة الف ريال
تخيل خسرت كيف تسدد المبلغ
وقال لي نقطة خفت منها
يقول تمنع من الوظائف الحكومة مده القرض يعني 10 سنوات
وبعدها قال رح سلم اوراقك ووقعت على كم ورقة من ضمنها تعهد بتقديم الاستقاله من العمل

وشكلي ابي استخير واجل الفكرة الى السنه القادمة

الله يسهل أمور الجميع