31-08-2015, 03:48 PM
|
عضو جديد
|
|
تاريخ التسجيل: Aug 2015
المشاركات: 20
معدل تقييم المستوى: 19
|
|
اقتباس:
المشاركة الأصلية كتبت بواسطة ضايعه وربي
اللي حابه اعرفه انو انا لسا ما اخذت نتيجة التحليل فاذا اخذتها ووديتها للشؤون ايش الاجراءات الباقيه وكم مدتها لين يطلع قرار التعيين واباشر ومين يقدر يخلصها ولي امري او لازم انا معاه غير الاحوال طبعا
|
هلا بك ,, الحمد لله اليوم انتهيت من كل الاجراءات وباشرت وبكرة باخذ الجدول ..
الاجراءات بالتفصيل تاخذين نتيجة التحليل بعد مايوقعها المدير تبع اللجنة الطبية وتودينها الجامعة( فيه وحدة قالت انه فيه شخص غيرها اخذ نتيجة تحليلها ) .. طبعا لما اخذت نتيجة التحليل وقعت اني استلمتها يعني ممكن الي ياخذ نتيجة تحليلك يوقع بدالك ..
الكشف الطبي+ صورة من بطاقتك الشخصية+ صورة من الايبان + صورة من بطاقة العائلة+ صورة من وثيقة التخرج+ وثيقة التخرج الأصل للمطباقة + بطاقتك الشخصية للمطباقة
هذا الي اتذكر اعطيتهم للجامعة مع ورقة الكشف الطبي
طبعا هذي الاوراق كلها يوديها ولي امرك لشؤون الموظفين وبيخبرونه انه بيتصلون عشان تجون مره ثانيه لباقي الاجراءات ..
( طبعا انا اعطيتهم نتيجة الكشف الطبي يوم الأثنين الماضي وأمس اتصلو علي عشان اجي اخذ القرار يعني 7 أيام بينهم )
اتصلو شؤون الموظفين أمس والأجراءات الي سويتها اليوم :
رحنا شؤون الموظفين واعطاه ورقتين ( ورقة ترشيح للأبتعاث + ورقة تعهد بعدم استلام راتب تعيين من الدولة من قبل)
هذي الورقتين تحتاج توقيعي انا فقط بدون توقيع ولي الامر .. وقعتهم لاني كنت بالسياره ورجعهم للشؤون الموظفين .. واعطاني ظرف فيه ورقة عشان اوديها الأحوال ورحت الأحوال ..
بالأحوال من قسم النساء أخذت مني صورة من بطاقتي الشخصية وبطاقتي الشخصية للمطابقة
وقالت لي احنا نرسل أوراق تغيير المهنة للجامعة ,,,
اتصلت على شؤون الموظفين لان قالت مااقدر اعطيك برنت تغيير مهنه وقالي مو مشكلة بس تعالي اخذي الخطاب للكلية
ورحت لشؤون الموظفين اخذت الخطاب واعطيته لعميدة الكلية وقعته وقالت روحي للمكتب الي جنبي عشان يفتحون لك ملف ورحت للمكتب الي جنبها واعطيتها صورة من القرار وبعدين قالت لي روحي لمنسقة القسم واعطيها صورة من القرار وشوفي جدولك ورحت اعطيتها صورة من القرار ... وبكرة ان شاء الله بشوف الجدول
..أنتهى ..
معليش كلامي مو مرتب بس تو جيت واحس راسي بينفجر من الشمس هههه 
ان شاء الله اذا نسيت شيء ماكتبته يكتبونة الأخوات الي هنا .. بالتوفيق للجميع
التعديل الأخير تم بواسطة جود0 ; 31-08-2015 الساعة 04:15 PM
|
العرض العادي
