السلام عليكم ورحمة الله وبركاته
حبيت افيدكم بتجربتي
بعد اتصال عمادة شؤون الموظفين ذهب ولي امري واستلم اوراق الكشف الطبي اتذكر رحت يوم الثلاثاء وخلصت الكشف ويوم الاثنين من الاسبوع التالي ذهبت لهم وكانت النتيجة طالعة -الفحص الطبي بالدمام-
الثلاثاء رحت الجامعة مبنى شؤون الموظفين وطلبوا مني بطاقة الهوية ووقعت بعدين قالوا روحي للاحوال غيري المهنة .. رحت لاحوال الاحساء وطلبت تغيير مهنه وطلبت منهم ورقة تفيد اني راجعت عندهم بس طلع الاجراء شكلي عشان اغير مهنتي ببطاقة الاحوال بشكل اسرع
بعد مارجعت للجامعة - عمادة شؤون الموظفين - عطاني ورقة المباشرة ورحت لكليتي وقعت مباشرة واخذت الورقة رجعتها للموظف وبكذا انتهت الحمدلله اجراءات التعيين ومبروك لكم
واي استفسار ان شاء الله اقدر افيدكم
كل التوفيق لكم

معليش بس ايش سالفة الورقة اللي اوقعها بكليتي !! طيب انا اداب وعلى حد علمي اداب مره بعيده عن الجامعة .. ولا يكفي اوقعها باداب اللي بالحرم الجامعي ؟! ترا هالشي مافهمته . معليش احد يوضح لي من بنات اداب .. وهل هذي الاجراءات اخلصها بيوم واحد ولا كيف ؟!

ياجماعه الي طلعت نتايجه سواء بالقبول او الرفض اي كليه ؟؟
كلية الحاسب والادراه ليش ماطلعت نتايجها ؟؟

ايش كانت مقابله تبعتكم بصفه عامه احد يفيدنااا

اختي النور المنير اول شي الف مبروك التعيين وعسالله يوفقج يارب سؤال اختي
1- بعد ماطلعت نتيجة الفحص ذهبتي للجامعة واعطيتيهم النتيجة هل اعطوكِ ورقة موجهه الى الاحوال بتغيير المهنة وهل يعطوكِ الاحوال شهادة او اي افادة بتغيير المهنة ومتى يتم التحويل بالاحوال
2- اختي هل القسم تحدثوا معك بخصوص الدوام والمحاضرات وماذا ستكون طبيعة العمل
شكرا

هل اجراءات الاحوال تنتهي بيوم واحد؟وبعد الاحوال هل يتم استلام خطاب التعيين بنفس اليوم؟هل تتم المباشرة باليوم نفسة ام متى تتم المباشرة؟

طموح الورد :، اسئلة ثابتة لجميع التخصصات متوقعة جداً منها
1- عرفينا بنفسك؟
2- تحدثي عن تخصصك ؟
3- ايش ممكن تضيفي لنا بالجامعة؟
4 - ايش ميولج اهتماماتج؟
5- هل عندك رغبة بالابتعاث؟ وين ؟ وليش هذي الدولة بذات؟
6- مالهدف من الالتحاق بالجامعة في وظيفة معيد؟
7-تحدثي عن نفسك بالانجليزي؟
* ملاحظة هناك اسئلة يتم اشتقاقها من اجوبتج يعني لاتتكلمي الا بشي فاهمته ولا تكثري كلام.
*الثقة بالنفس وطريقة الاجابة والابتسامة تسلحي بهالامور وفالك التوفيق