الله يجزاكم خير
وابشركم توي اليوم الاحد الصباح جاي29/6/1436 من فرع الخدمه المدنية وافادوني ان الجهات الحكومية تختار من نظام ساعد ولاتقدر تتجاوز الخدمه المدنية ابد ع حسب كلامه يعني اذا اختارت الجهه الحكومية ترجع للخدمه المدنية وكذا صح ان اسلوبة كان زفت ورديت عليه قلت ماجيت بهالمكان الا لخدمتنا وبعدها عدل اسلوبه والمشكله فيهم تخبط غير طبيعي تخيلوا وش قالي
قال اذا تعرف اي مدير دائره حكومية روح له يوظفك عن طريق ساعد يعني الدعوى معرفه حسبي الله ونعم الوكيل وقلت لو م عرف احد وش اسوي سكت وقالي بعد ان اي جهه حكومية تعلن عادي قدم وهم يشوفون اذا انت مقدم ع ساعد قبلووك يعني من ناحية التقديم افادني انه عادي نقدم لو جاء اعلان ويشوفون انا بساعد وبعضهم قالي بدون اعلان يعني يدقوون بس والله قهر اقسم بالله قابلت عنده واحد مدير جهه حكومية اعرفه من بعيد بس هو م يعرفني يكلمه ويقول ابيك توظف فلان مستخدم او فلان ع البند وانا مالي لاحول ولاقوة بس الله فووق والله ع مااقول شهيد بس مريت كذا جهه حكومية بعد م طلعت منهم وقالوا م نقدر نتجاوز ساعد

وحبيت اسأل الاخوه والاخوات اللي ردوا ع سؤالي بخصوص الدراسه
تكفون شوروا علي انا جاني عرض من التدريب المهني دراسه دبلوم حاسب الي ومتساهلين مرره يعني بطلع بمعدل حلوو وش رايكم ادخل الحاسب او اروح التقنية مع اني احس التقنية صاير فيها صعوبه شوي وانا قررت ادرس وحده منهم بس محتار ابي اللي بأرداه الله اتوظف ع طوول دامها ع المعدل تكفون ابي رايكم

منقول من الأخ عاشق أسبانيا


جامعة القصيم وظائف رجالية مراسلين لحملة الثانوية

أعلنت جامعة القصيم عن توفر وظائف شاغرة للرجال تحت مسمى - مراسل و مراسل مكتبي - على نظام لائحة المستخدمين لحملة الثانوية العامة فما دون .
الشروط :-
- أن يكون المتقدم سعودي الجنسية وحاصل على الثانوية العامة وما دون .
- ألا يتجاوز عمر المتقدم ( 50 عام ) .
- ألا يكون المتقدم موظفاً حكومياً .
موعد التقديم :-
يبدأ التقديم بتاريخ 1436/06/30هـ و ينتهي بتاريخ 1436/07/04هـ .
طريقة التقديم :-
التقديم من خلال موقع وزارة الخدمة المدنية برنامج ( ساعد )

شي طيب أنهم طبقوا نظام ساعد ، بس أهم شي يكون ما فيه تدخل في النظام كلاً يقدم واللي الله يكتب له الرزق الله يوفقه،

وأتمنى من جميع الجهات الحكومية يطبقوا النظام حتى الكل ياخذ نصيبه

أتمنى التوفيق والنجاح للجميع

انا حاولت اقدم من برنامج ساعد مايقبل

اخوي عاطل المجمعه اذا كنت مقدم ع جداره م يقبلك
المهم تكفون شوروا علي وش ادرس حاسب او اداره مكتبية ارجوكم
والله يجزاء كل من علق واتمنى موضوعي هذا يتم تثبيته عشان نناقش اي جديد عن ساعد
وبيني وبينكم ترا وزاره العدل فيها وظائف كثيره بنود وعقود ومؤقت يعني راح تدخل بنظام ساعد بس نبي تطبيق سريع له ونبي اي شخص يقراء هالرد ومن اهل الرياض يروح لوزارة العدل اضنها بالملز ويسالنا عن هل طبقوا ساعد او لا ويحاول انهم يختارون من ساعد لان اي جهه تابعه لهم راح يجبرونها تختار من ساعد
ادعو لي وانتضر ردوكم

سم المعادي

انا ماسجلت في جداره

مسجل في ساعد

ادخل على الملف ولا فيه اي خانه لتوظيف

اخوي ساعد يطلع لك رقمك السري وبيانتك اللي هي شهادتك واذا فيه دورات او خبرات ويطلع لك باول شي اول م تفتح النظام عباره تم اجراء التدقيق والتوثيق اذا طلع لك كذا معناها النظام قبلك وتنتضر وان شاءالله يدقون علي وعليك وع كل مسجل بهالبرنامج باقرب وقت يارب واي تقديم قدم واذا كان فيه اشكالية بتسجلك علمني وش يطلع وان شاءالله افيدك اكثر
وعساالله يوفقنا

الله يوفقك ويوفقك كل عاطل بالوظيفه الي تسره

يعني الحين اذا دخلت من الرابط وحطيت رقمي السري وفتحت الملف الشخصي يكون كذا تم التسجيل

الله يجزاك خير
اسمع يالغالي اكتب بقوقل نظام ساعد ودخل رقم بطاقتك ورقمك السري وشف ويطلع لك او ماتفتح النظام
هل يطلع اسمك ومكتوب عباره(انتهت اجراءات التدقيق والتوثيق) او لا
اكتب وش يطلع لك بشكل مفصل عشان افيدك اكثر وسال الله العظيم ان يتقبل دعاءك يارب