[align=center]

السلام عليكم ورحمة الله وبركاته


العرس قرب يا ام حسين ههههه

اخواني الاعزاء دلوني على احد يساعدني في الزواج حتى لو بالتقسيط الميسر

ترى ماخليت شيء ورحت له لكن للاسف ماكتب الله نصيب

هذا زواجي الاول ومعي الاثباتات والادله راتبي على قد حالي موظف في شركة خاصة

العم الله يجزاه خير صلخني صلخ بالمهر لكن يفدى عيون الغالية


اللي ابيه نصيحة توجيه فاعل خير اي شيء المهم الفزعة وانا عندي استعداد
اقسط با اقساط مريحة


بنك التسليف رحت له وماقصر عطاني قرض لكن باقي الحين اثاث الشقة وتكاليف القصر
وغيرها الله يعين وييسر الحال



لاتبخلون علي بالنصيحة او التوجيه لاحد يفزع وجزاكم الله كل خير

وتراكم معزومين كلكم للزواج [/align]

احس مغضوب علي استغفر الله

كل هالزوار ؟؟ ولا احد قال على الاقل كلمة ألف مبروك !!!


يالله رحمتك

مبروووك والله يتمم لكم على خير

ماعرف والله لكن قلت ابارك لكم

سؤال كم المهر 😳

الله يتمم لك على خير
نصيحة اقرا الاذكار يوم زواجك عشان مايجيك ولد عقله نص استوا والا مخبول

وابعد عن نوم العصر ترى الجاثوم مسنتر لك يعني تصحى انت وعقلك نص مستوي البنت تقعد تبكي عليك طول عمرها وتبكي على حظها

الزواج ترى حياة وحب وعطا مو زي ماتشوف في المسلسلات البايخة اللي شوهت صورة الحب
حتى تلقى الممثل يعيد اللقطة خمسين مرة ويالله يضبط الموقف انت حاول تضبط الموقف من اول مرة

الزواج اول شهر تجي زوجتك تعطيك وردة وانت طالع وبعد ثلاث شهور تعطيك الزبالة وانت طالع

هههههههههه ادري انها ماتضحك بس قسم بالله هذا الحاصل
وبعدين زي ماتبغاها تتزين لك انت كمان تزين لها ويرحم امك غير بنطلونك المشقوق من عند ركبتك خلاص ايام العزوبية راحت بخيرها وشرها وملابسها

وحركات العزوبية وملابس الدشير تجي لابس سلاسل والا معلق المفتاح في رقبتك صاير كنك صدام جمس هذا ماتنفع معها

والله يرحم امك سيب حركات الفجعه تفجعها الضعيفة وهي فالمطبخ تسويلك غدا ترى قلبها مسكين رهيب ارهف من قلب الدجاجة
ايضا حركات العزوبية الله يلعن ام المزح اللي مال امه داعي تفك الموية الحارة في المغسلة وتقفلها وتجي الضعيفة تبي تغسل تفتح الموية تلقاها حارة تحرق يدها ،،،،بعدين قل ابتزوج ثانية الاولى محروقة

والا الحركة البايخة تفك غطا الشطة للاخير وتجي بنت الحلال تحط شطة ينكب اللي فالقارورة كله



بالنسبة للبيت حاول انك تفرش غرفة النوم ومجلس حريم ولو مؤقتا الين الله يفرجها

بالنسبة للتوصية شوف اذا لقيت لي معك شي


الله يوفقك

الله يوفقك

الله يوفقك مبروك شف جمعية تيسير الزواج اللي في مدينتك

وكمان اتصل على جمعية الزواج بجدة سمعت انهم يعطون فلوس وتقسطها عليهم بالميسر

هذا رقمهم دق عليهم
0126311111

وهذا موقعهم على النت

http://www.alzawaj.org.sa/

ونصيحة قدر المستطاع ابعد عن الديون يكفي جمعية الزواج في مدينتك وجمعية تيسير الزواج بجدة وغيرها من الجمعيات اللي تساعد الشباب في الزواج

وقصدي لا تروح تاخذ سيارة وتبيعها او تاخذ قرض من البنك

مثال احنا في مدينتنا جمعية الزواج تعطي 5000 كاش و 10.000 ريال أدوات منزلية

وكل مدينة فيها (جمعية تيسير الزواج) مثل جمعيات البر والندورة العالمية


وكمان جمعية السبيعي الخيرية تدعم المتزوجين في كذا منطقة

وهذا رابط الخبر وارقامهم

http://www.sf.org.sa/container.aspx?i=57

الله يوفقك

[align=center]دخلت على مواقع الجمعيات


الغريب شروطهم تعجيزية الراتب لازم 3500 المهر مايتعدى 50 ألف !!!

شروط تعجيزيه و لا تنطبق علي للاسف [/align]