ياشباب كل واحد يحدد وين
الاماره
وزارة الدفاع
هيئة التحقيق والادعاء
السجون

السلام عليكم ورحمة الله وبركاته
اليوم عملت مقابلة في هيئة التحقيق والادعاء العام
في البداية دخلت على مدير عام الشؤون المالية والادارية
سألني وش مؤهلك ووين المنطقة اللي ترشحت عليها ومتى تخرجت وايش سويت من يوم تخرجك
بعدها وجهني الى مدير التوظيف خالد التميمي وسألني نفس الأسئلة وزاد عليها سؤال عن الهيئة قالي تكلم عنها من حيث النشاة واختصاصاتها والأعمال اللي تقوم بيها
بعدها سألني وش الفرق بين هيئة التحقيق والادعاء العام وهيئة الرقابة والتحقيق
بعدها جات الصدمة قالي يوم الثلاثاء القادم تراجع وزارة الخدمة وتشوف نتيجتك من حيث القبول او عدمه
طلعت جري على وزارة الخدمة وقابلت مدير الترشيح وقلت اني وقعت تعهد بانهاء اجراءات القبول في عشرة ايام والهيئة تقول الاسبوع القادم النتيجة والوقت مايكفي قالي التعهد صوري لاتخاف
قلت خلني اسأله ليش النتيجة تتأخر قالي بصراحة التوظيف في الجهات العسكرية صعب جدا ومشددين حتى حنا الوزارة عندنا مشاكل معاهم يبون يطرحون وظائفهم ويعملو المسابقات بنفسهم
قلت طيب يعني ممكن تكون النتيجة بالرفض
قال ممكن رفض وممكن قبول مبدئي والتأخير يكون بسبب المسح الأمني
وقالي اذا قدر الله وما انقبلت ترجع تقدم في المفاضلات القادمة
هذا اللي حصل معي
الله يكتب لنا جميعا القبول والتوفيق

بعض الأسئلة مالها معنى ..؟

أنا بعض الأهل قالوآ لي عن أسئلة المناطق ..

و الملوك الحاليين و السابقين و أولياء العهد ..

و بعضهم يسأل عن أحياء المدينة و إتجاهاتها في الخريطة ..

وفي أسئلة دينية لكن ما تصورت يسألوآ عن توقيت الصلاة ..!!

وفي أسئلة تخصص و أسئلة شخصية ..

و أسئلة عن الجهة ..

وكل وزارة لها أسئلتها ..

و على العموم أهم شيء إعطاء ما عندك ..

و أخذ أساسيات بسيطة عن كل ذي الجوانب المذكورة ..

و متأكد إن إذا بيصعبوها محد بيجاوب حتى نفس السائل ..

فـ الأمور بسيطة إن شاء الله ..

حاولوآ تاخذوآ ملامح عن كل جانب ..

ولا تهتموآ للتفاصيل الكثيرة إلا إذا شفتوها مهمة ..

لأن محد يعرف كل شيء ..

و أهم شيء التعاطي و الجدية ..

و الإحترام و الصدق ..

و بسأل الإخوان هل في أحد أتصلوآ عليه ..؟

وهل الإتصال بالصوت أو برسالة جوال ..؟

وكم مدة الإنتظار إللي أنتظرها للإتصال ..؟

طريق الملك فهد وانت رايح جنوب
المبنى جديد لونه ازرق على الشارع
مافيه مواقف الا بالخلف

والله ما اذكر اسم الشارع الفرعي
بس ترى مايضيع انت امشي في طريق الملك فهد باتجاه الجنوب يوم تقرب من برج المملكة بتشوفه يسارك في الخط الثاني خلك في خط الخدمه بتشوف الهيئة على الشارع العام يمينك
كمان قوقل ماب مره واضح

الله ييسرها عاد تصدقون كنت حاس انها في الرياض
والمشكلة اني مرشح على الخرخير المفروض ماتكون فيه مقابلة ههههههههه