اخواني بغيت استشيركم بخصوص وضعي الحالي , جاني عرض من ارامكو قريد 11 براتب طيب وكذالك اتصلو علي الجامعه السلامية في المدينه المنوره يبوني معيد واكمل دراستي للماستر والدكتوراه في امريكا او كندا .


صراحه انا تعبت , بعض يقولي خش الامنيه او الحربية وتكون ضابط قد الدنيا ( زي ماقولولي ) ودوام فله , و بعض يقولي ارامكو كرف و معيد مرررررررررره راتبه نازل ومهضوم حقه

اتمنى من الي معه خلفيه عن الموضوع يتواصل معي او يرد في الموضوع


ولكم مني خالص الشكر

للعلم انا خريج بكالوريس في تحقيق الرقمي والهكر الخلاقي من بريطانيا , معدلي ممتاز مع مرتبه الشرف وعمري هو 27

[align=center]السلام عليكم ورحمه وبركاته


.... عموماً اللي يحدد انك تروح للعسكريه او ارامكو أو معيد بالجامعة هو رغبتك وميولك


..
ارامكو

ياخوي يكفيك بس إن الأوفر تايم إلي تطلعه من الشغل يعادل راتب ثاني لك

غير الراتب الأساسي غير التامين الطبي والبدلآت والسكن حتى إذا تزوجت بعدين

تحصل ياخي بيئه تساعد وبيئه جاذبه تربي فيها عيالك وتعلمهم أفضل تعليم وش تبي بالعسكريه ؟


11 قريد معناته تعيش بعز .. (سياره-مدارس خاصه-اجازات طويله-كورسات خارج المملكه) كلها موفره لـ11 وفوق


عموما بوجه نظري الأفضل

ارامكو
الأمنية
معيد

وزراة الدفاع لا
+فرصة جاتك من ارامكو [/align]

السلام عليكم ، حبيت اجاوب عليك ببعض النقاط والمعلومات
اولا ابارك لك تخرجك والحمد لله ، وطموحك ما شاء الله تبارك الله عالي
نبدا ، بالاول ارامكو راتب فخم ومع السنذن يعلا الراتب وسكن منهم وسياره والامور تتحسن للافضل
ومن ناحية الدواف فهو فيه كرف لكن مقابله راتبه والتقاعد ايضا مميز شيك ذهبي وراتب كويس
فاذا كانت ارامكو قريب من مدينتك يعني ماهي بعيده مره فهي كويسه .
ثانيا ، المعيد فهو زين لكن متعب وتقابل طلبه وخبرك الطلبه ومثل ماتفضلت راتبه اقل من شركة ارامكو
وفيه امكانية تطوير نفسك بالدراسه وتحسين الوضع لكن يبقى الافضلية الراتب لشركة ارامكو بكل المعايير
ولكنه اريح منها ومعك اجازاتها مع الطلبه فقط وعلى ما اضن نفس المدرس اجازاتك مع الطلاب فقط
ولا يمكنك اخذ اجازه طويله ايام الدراسه .
اما العسكرية ، فهي ممتازه ومميزه وبامكانك الدخول فيها ولكن اعرفف انك لن تكون قريب من ديرتك
واذا كنت في قطاع فيه ضعط وتعب وفسه شي مهم وهو مافيه دوام بالدنيا لا يوجد به تعب
وهكذا تكون ضابط كويس لكن لا تملك وقت ابدا
فهذي بعض النقاط والاهم من كل ذولي استخير استخير واستشير من يعطيك رايه وتستفيد منه
وركز على الاستخاره والدعاء ان الله يكتب لك الخير

وبالتوفيق

السلام عليكم ورحمة الله وبركاتة

اخوي اولا: ابارك لك التخرج
ثانيا: الله يطول بعمرك انت ذلحين عمرك 27 وإذا كان بداية الدورة يكون عمرك 28 تراك ماراح تنقبل
مثلا اذا في شهر 10 او 11

تدخل بعمر 28

ماراح تنقبل لان خويي قدم على الأمنية السنه الماضية ولاطلع اسمه اتصل عليهم يسألهم ليش ماطلع اسمي

قالوا له انت مع بداية الدورة راح يكون عمركً 28

والكليات العسكرية اخر عمر تقبل 27

بالنسبة لي اذا تبي فلووووس روح ارمكو

وإذا تبي راحه روح التدريس تكفيك الاجازات وتكمل دراسة يعني ان شاء الله راح ينادونك ي دكتووووور

ارامكو او معيد بالجامعه وقريد 11 موب سهل وكذلك معيد كلها حلوه

ما ءزيد على كلام الأخوان شي الله يعطيهم العافية

من ناحيتي أنا بأدخل أرامكو و أنا مغمض الشركه بتكرفك لكن بتدلعك أحلى تدليع سيارة بيت و راتب و قدره تأمين طبي و تخفيض تذاكر و علاوات قوية و اذا تقاعدت بعد عمر طويل على قولت عبدالرحمن يعطونك شيك ذهبي يغنيك من الناس و من الشغل بعكس العسكري ضباط و أفراد بدال ما يرتاحون بعد التقاعد تلقاه شغال تكسي و الا يبيع خضره !! حتى يصرف على نفسه و عياله و البيت

أرامكو تقدر تسافر الخارج متى ماطقت براسك و أنت حر نفسك ، العسكري لازم يقدم طلب اجازة خارجيه

نصيحتي لك ارامكو ياخذون عمرك وقتك وحياتك كله! ويعطونك راتب عالي!

ماتبي الراحه والوقت رح لارمكو .. اذا كنت من سكان الشرقيه افضل لك!

وانا نصيحتي الامنيه! هيبة راتبك فوق +15 الففف < الطوارئ كيفي الهيبه تاخذها .. تحت يدك 1000 جندي !