حالياً لي 3 أشهر متوظف ولله الحمد

السالفة ان ابوي اتصل فيني وانا نايم يقولي البس وجهّز ملفك

طبعاً كان معاي ملف علاقي ومعي الاوراق ومصدقها وجاهز

المهم وديناها لمقر عمله في وزارة الصحة

واتوظفت عن طريق شركة سمامه للتشغيل .. بس والله الراتب لكم عليه

قالوا لي 1500 طلع 1200 وياخدون حق التأمينات

لكن الوالد قالي انه بدأ بـ 500 ريال وحكى لي مشواره والحين راتبه ماشاء الله قوي


يعني كل شيء بالتدريج

وانا هلحين اكتب هالموضوع وباقي لي 10 دقايق واداوم ( حركتات )

انا بصراحة ماني متضايق من الراتب ولا شي

واحمد الله على كل شي


دعواتكم لي بالوفيق واصير موظف رسمي مع رفع الراااااتب وعقبالكم يارب

ما بعد الضيق إلا الفرج بإذن الله ، مبروك

الف الف مبرررررررررررررروك



عقباااالي انشاء الله يارب قوول يارب

الأخ العزيز / رؤيا سراب
السلام عليكم ورحمة الله وبركاته
أولاً : ألف مبروك الوظيفة
وثانياً : ترى شركة سمامة ماتتأخر في الرواتب أول بأول وأنا كنت شغال فيها في مركز التأهيل الشامل في حفر الباطن ولو مكمله في المناقصة تبع حفر الباطن والله ما أخليها لين أتوظف رسمي وعلى فكرة ترى راتب شهر رمضان يدفعه الشيخ المهندس / ناصر المطوع مدير عام الشركة من حسابه الخاص قبل موعده يعني إنتظره في تاريخ 25/9/1429هـ إن شاء الله وبالتوفيق
ولا تخليها إلى لين تتحول على الوزارة وضبط وضعك مع موظفين الوزارة وخاصةً المدراء ترى راح ينفعونك بإذن الله تعالى
وألـــــــــــــــــــــــــــــــــــــــــــــف مبرووووووووووووووووووووووووووووووووك

الله يعطيك خيرها ويكفيك شرها ومن حسن إلى أحسن بإذن المولى ،،،

مبروووووووووووووووك اخونا . ولا تضايق من الراتب ترى بداية الغيث قطره

ان شاء الله يجيك الفرج و تترسم و يزين راااااااااااااااااااتبك .. عاد لا تنسانا بالدعاء

الله يوفقك

واصبر واجتهد واحسن النيه

وبأذن الله بيرزقك ربي بأفضل منها او يزيدون راتبك

ولا تنسى خصص مبلغ صغير لصدقه ( وهو عند الله كبير ) حتى لو كان راتبك قليل ( لانه ما نقص مال من صدقه )