السلام عليكم

انا خريج سنه 1434/1435 هـــــــــــــ
وخلصت الثانويه ولي سنه هذي عاطل
وابي اسجل باي جامعه هل يقبلوني مع العلم اني عاطل سنه وحده وحديث المتخرجين يقصد بهم خريجي سنه 1435/1436 هـــــــــ

الاسئله :1-يقبلوني ولا لا ؟ والنسبه مرتفعه جدا

:2-الكليه الامنيه يقبلون اللي معه بكالوريوس وش ؟ تربيه بدنيه وش باقي غيرها وش الاقسام اللي يقبلونها للجامعيين

:3- يوجد ربط تقني بين جامعات المملكه وفي حال تبين وجود قبول لك في اي جامعه اخرى فسيتم الغاء قبولك من الجامعه ؟ وش يقصدون من العباره هذي واللي عارفها يفهمني


الله يجزاكم خير ويوفقكم دنيا وآخره

انا ودي اتخل تخصص حاسب ولكن يقولون صعب والثاني تربيه خاصه وش تنصحوني الله يوفقكم

نصيحة لوجه الله

ابعد عن تخصص الحاسب تخصص منكوووب هنااا


شوف لك تخصصص القانون اذا تبي تدخل الامنيه او تكمل بالمستقبل دراسات عليا

والله يوفقك

الجامعات تختلف انظمتها فيه جامعات تقبل اكثر شيء متخرج له ثلاث سنوات وفيه جامعات خمس سنوات..بالنسبه للربط الالكتروني برضه على حسب الجامعه والي اعرفه كليات الرياض كذا لكن في المدينه لا تقدم على كل جامعه لحالها..أول شيء انت قرر اي جامعة تبغى وبعدين ادخل على موقعهم وشوف الشروط

وعليكم السلام ورحمة الله وبركاته


:1-يقبلوني ولا لا ؟ والنسبه مرتفعه جدا
ج1: نعم يقبلونك بكل تأكيد .

2-الكليه الامنيه يقبلون اللي معه بكالوريوس وش ؟ تربيه بدنيه وش باقي غيرها وش الاقسام اللي يقبلونها للجامعيين

ج2: نعم يقبلوون لكن يبيلك فيتامين واو بغض النظر عن التخصص .

3- يوجد ربط تقني بين جامعات المملكه وفي حال تبين وجود قبول لك في اي جامعه اخرى فسيتم الغاء قبولك من الجامعه ؟ وش يقصدون من العباره هذي واللي عارفها يفهمني
ج3: اي لا يحق لك التسجيل إلا بجامعة واحدة فقط أختر الجامعة اللتي تبيها وربي يوفقك


#نصيحة لك و لكل طالب في بداية حياته الدراسية

انت سألت عن التخصص : حالياً وقتنا هذا يهتم في الحاسب الآلي اولاً و اللغة الإنجليزية ..

و بالأخير أنت شووف ميولك أين تتجه صدقني راح تبدع في تخصصك وتجيب أعلى الدرجات ومن ثم أعلى المراتب الوظيفية ..



اتمنى لك التوفيق واتمنى أن اكون أجبت ولو بأقل المعلومات . . .



تحيآتي : جآكي تآكي . . . . . .

:3- يوجد ربط تقني بين جامعات المملكه وفي حال تبين وجود قبول لك في اي جامعه اخرى فسيتم الغاء قبولك من الجامعه ؟ وش يقصدون من العباره هذي واللي عارفها يفهمني
_____________________________
المقصود با العباره هو انك تستطيع التسجيل في جميع الجامعات لكن لنفترض انك سجلت في الجامعه رقم 1 وانقبلت في تخصص معين وسجلت في جامعه 2 وانقبلت راح يلغون قبولك الثاني .
لكن يحق لك تسجل في جميع الجامعات .
لا تسجل في جامعه وحده وبعدين مايقبلونك وتتورط .

مانصحك تدخل جامعه وتضيع وقتك شوف لك تدريبات من الشركات تنتهي بالتوظيف مثل ارامكو او غيرها من الشركات ع الاقل تضمن لك وظيفه احسن من الجامعه اللي ندمت اني دخلتها لكي اتخرج واشوف وظائف الحكوميه شحيحه وراتب بالقطاع الخاص ضعيف يتساوي راتب بالثانوي تقريبا