أخواني السلام عليكم ورحمة الله وبركاته ،،،

أنا أخوكم عبدالله البلوي أبلغ من العمر 27 سنه طموحي أني أدرس واحب العلم .
وطموحي أني أدرس طب بشري هل تنصحوني أدرس هالتخصص لكن العمر كبير فـماريكم أحتاج لرائكم أخوكم عبدالله البلوي

والله ياخوي عبدالله وجهة نظري تكمل دراسك وماعليك من أحد ، شفهم رجال وأكبر منك بدو الأن يكملون دراستهم
خاصة اللي مالقى وظيفة
وانت أستخر
والله يدبرك على الصالح

والله ي اخوي العلم ماله عمر ادرس والله يوفقك

نصيحة لوجه الله تعالى

كمل تعليمك وقد ماتقدر تاخذ شهادات خذ لأنها ترفعك ماليا واجتماعيا وفكريا

وخلي اخر تفكيرك العمر لأن الايام تركض ركض ورح يجي يوم تقول ليتني كملت دراسة كان الحين كذا وكذا

وربي يوفقك

نفس وضعك اخوي ينطبق فيني و سألت دكاترة جامعيين قالوا العلم ماله عمر معين مثل عميد كلية الهندسة بجامعة ام القرى الدكتور حمزة غلمان يقول انا اتوظفت قبل لا اكمل دراستي واخذت البكالوريوس و عمري 31 سنة ثم اتزوجت وبعد ما ااستقريت كملت الماجستير و الدكتوراه هذا اقرب مثال و برضو لي احد الاقارب اخذ البكالوريوس و عمره 40 والان طلع يكمل الماجستير في استراليا خاصة بعد ما اعطوه من عمله هذي الفرصة اجازة بدون راتب انا الان اكمل البكالوريوس في الكلية التقنية ثلاث ارباع الطلاب اعمارهم كبيرة نصفهم فوق الثلاثين ماشالله فلا تخلي العمر يوقف طموحك ابدا هذي نصيحتي والله يوفقك

[align=center]اخوي عبدالله طالما انت حاب هذا الشي ولك رغبه فيه
ليه تتحجج بعمرك وترا 27 صغير عندنا
انطلق بالحيــــــــــــــــاة ولا توقف عند كم رقم ممكن يعطلون طموحك والعلم من المهد للحد


بالتوفيق.

[/align]

أولا أشكركم جميعاً على كلامكم الجميل .
ولأ أخفيكم أني ندمان أني ماكملت من الأول .
مشكورين وربي يسعدكم .