والله تعنيت للرياض اليوم مشوار 1200 كيلو ،


وقابلت احد مسؤلين جدارة بالوزارة للامانه الرجل كان قمة بالاخلاق وكان صدره رحب لجميع الاستفسارات اقنعني بعدم استحقاقي للتعيين على الوظائف التي طلبت الترشيح عليها وهي - مساعد اداري - كاتب - بشرحلكم الموضوع بالكامل حسب فهمي له :
وجهت له عدد من الاسئلة بعد ماحصرت من البيان كامل اسماء الي اقل مني ونقاطهم ووظائفهم :
انا/ ظهرت بصفحتي بجدارة ان المتعيين على الوظائف اقل من نقاطي وهذا ضياع لحقي ؟
الموظف - بصدر رحب / مستحيل هذا فالنظام دقيق جدآ ،


انا / اعطيته بعض الاسماء وطابقناها بالبيانات التي كشفتها مؤخرآ الخدمة المدنية ؟
الموظف / اعترف اني على حق بذلك ، وبداء ياخذ سجلات الذين اقل مني ويتصفح بياناتهم من قاعدة البيانات عنده ، اكتشف ان النقاط التي ظهرت بالبيانات التي كشفتها مؤخرآ الخدمة المدنية هي نقاط المرشحين بأختبار وان الوظائف - كاتب ، مساعد اداري - يتم الترشيح عليها بنقاط بدون اختبار يعني - الاقدمية و المعدل و واختبار تققيم 1 - ( بدون تققيم 2 ) عشان كذا حنا وجدنا ان نقاطهم اقل مننا متعيين لسببين :
1- اننا نعتقد ان جميع وظائف المرتبة السادسه والسابعه توظيفها بنقاط اختبار و الوزارة تعمل على غير ذلك ،
2- ان الوزارة اخطات جدا بوضع النقاط بالبيانات التي كشفتها مؤخرآ بموقعها الرسمي هي نقاط باختبار ،


كان في سؤال عندي لماذا يرشحون تربوي افادني ان كلمة تربوي خطا وللامانه اشك من مصداقيته بهذه المعلومة .


انا كتبتلكم هالكلام ابي رايكم ، هل نتوجه للديوان الملكي ونستغل خطائهم بالبيانات الذي اعترفوا به ، ام نتعامل معاملة تسامح المسلمين ونسأل الله من فضله وهذا الافضل .

ولكم تقديري ،،

اذا كان لك حق طالب به

التربوي من حقه يعمل مساعد اداري في المدارس وادارة التعليم

والله يوفق الجميع

نفس مشكلتك وكان ردهم
انه يحمل شهاده اعلا منك حتي لو كان نقاطه اقل

والله إنك أسد قطعتلهم سفرة ..

ما شاء الله عليك ..

بس للأسف ما فادوك في شيء ..

الموضوع ببساطة عشان تعترضوآ على الدرجة ..

في عامودين بعد عامود درجتك ..

1-عامود أولويتك أنت للوظيفة ..

إما 1 وهو معناه إن تخصصك مناسب للوظيفة ومحد يتقدمك ..

و إما 2 ومعناه إن تخصصك مسموح له لكن الأولوية لرقم 1 إن قدم ..

2- العامود الثاني هو أولوية آخذ الوظيفة الذي تم إختياره ..

فلو كان نفس رقم أولويتك وكان أقل منك في النقاط ..

هنا المشكلة و تستحق الإعتراض ..

فمثلاُ لو إنت أولويتك 1 و نقاطك 90 و إللي أختاروه أولويته 1 ونقاطوآ 89 ..

ومثلها لو كانت أولويتك 2 و المختار 2 و إنت أعلى ..

فهنا من حقك الإعتراض لأنك أحق من الشخص المختار ..

أما القصة الثانية إن أولويتك 2 و المختار أولويته 1 ..

فهنا هو أحق منك مهما كانت درجتك ..

فمجرد رغبته بالترشيح فهو أفضل منك ..

وما ينافسوآ إلا أصحاب الأولوية الـ الأولى (( 1 )) ..

كمثال أنت أولويتك 2 و نقاطك 100 و المرشح المختار أولويته 1 و نقاطه 10 ..

هنا هو مقدم عليك دائماً مهما كانت درجاتكم ولا ينافسه إلا شخص بنفس الأولوية ..

و مو من حقك تعترض و النقاط لا تعني شيء في هذي الحالة ..

أتمنى إنكم فهمتوآ عليآ ..

بالنسبة للتربوي ممكن إن الرجال معلم معاقب و حولوه للإداري ..

يعني وضع الرجال مو طبيعي زي باقي الناس لأن التربوي ممنوع نظاماً من إمكانية الدخول ..

هذا والله أعلم ..

انا نقاطي قبل لايعملوا هالاختبار تقييم 1 كانت 65 ولما اختبرت نزلت 50 حسبي الله عليهم
ونقطه مهمه/ والله اني جاوبت في الاختبار اقلها 60 بالميه متأكد منها مثل ماأنا متأكد انوه قاعد اكتب لكم وراجعت اجابتي ثاني وثالث اللي متأكد منه 60 % من الحل صحيح هذا ماهو ظلم ؟ ياناس

السلام عليكم ورحمة الله وبركاته
سؤالي إلى الأخ متحني بدم//الله يعطيك العافية ابغاك تجاوبني على سؤالي ولك شكري وتقديري
سؤالي هو:انا نقاطي 85,5 ومكتوب في الجدول قدام الأولية 1 واللي تعينو على نفس وظيفتي وفي نفس
المنطقه اللي اخترتها وحده نقاطها 90وتخصصها غيرتخصصي
ووحده نقاطها 85,9 وكمان تخصصها غير تخصصي.
كيف تعينو ومكتوب الأولية لتخصصي؟؟؟؟
ممکن توضح لي الله يعافيك.

قد يكون اكثر من تخصص لهم نفس الاولويه