السلام عليكم ورحمة الله وبركاته


حبايب قلبي قصتي مايلي :

هاذي بعض التفاصيل المهمه

انا شاب طموح وأعمل في شركة مقاولات " قطاع خاص "
معي شهاده ثانويه عامه واطمح لاكمال الجامعه
العمر 26
أعمل وظيفة استقبال
الراتب 4500 الصافي 4050 التأمينات تأكل 450
مرتاح كثير في عملي
زواجي بعد سنتين من الآن
باقي مأ اخذت قرض الزواج لدفع المهر لأن الوقت بدرري الآن
ساهر يطلبني قرابة 14000
.....
يوم من الايام وانا في عملي موظف استقبال مر المدير التنفيذي وشافني لاشغل ولامشغله
لأن فعلا شغلي بالاستقبال مايفيدني اتصالات وفاكسات وهذا وين ومين فيه ؟؟

بنفس اليوم طلبني المدير التنفيذي قال اشوفك لاشغل ولامشغله اعملك صنعه وحاجه تفيدك توك صغير و وراك زواج وقال لي شي مهم ( قال لو تبي دوره 6 شهور على حسابي ) ماعندي مشكله .. انا مستحي افاتحه بالدوره ماني عارف كيف الطرريقه خاصه ان سألني وش صار معك في شغل قسم الطرق مع مدير قسم الطرق وش اقوله ؟ اقوله ماعلموني للحين !!


وقال لي مدير قسم الطرق عندنا يبيك تشتغل عنده ونجربك شهر اذا اوك وقعنا معك عق جديد براتب 5 او 6 او اكثر

المهم مدير الطرق سعودي قال لكرتيره المصري علم طلال وبس يومين عطاني ارقام المشاريع
وارقام جوالات مهندسين واكتفيت بهالورقتين الي معي الي فيهم ارقامهم


الى الان ماعلموني شغل على ارض الواقع شغل عملي تطبيقي

والحين صار اكثر من شهر كلمت قبل ايام مدير الطرق قلت متى اشتغل قال بعدين وكان مشغول
وهو يبيني اشتغل واكتب خطابات واان هذا الي احبه واتميز فيه سرعة الكتابه بالكيبورد ومعرفة الحاسب الآلي
المهم مآدري وش مصيري معه .. لان انا مآبي الاستقبال ماراح يفيديني ولا يطورني كل شغلي الي اشتغلت قبل مع تنوع الشركات كان كلها استقبال يمكن لان الشهاده ثانويه ..

*** أفكر اكمل جامعه بس بتكلفني وانا وراي زواج حتى وان كان بعد سنتين
أوقات اقول مافي داعي اكمل جامعه اذا بعد 4 سنين بيكون راتبي بالشركه اذا استمريت معهم حوالي 6 وهذا حلو بالنسبه لي وقنوع جدا وبنفس الوقت اتمنى اكمل جامعه لانها مطلب هالوقت ف محتار جدا

ابي أرتب طموحاتي اهدافي افكاري مآبي أخسر ابي اكسب وانا مستعد اصبر لآجل اكسب فالنهايه وارتاح لآني ماتعبت كثير بالدراسه حتى الثانويه كملتها ليلي من الكسل

وبصراحه انا تفكيري كمبيوتر ياباني متطور مع التكنولوجيا ان شاء الله
يعني حاط في بالي أعمل باجتهاد حتى يوصل عام 2020 وأكون تعبت وحققت اهدافي وطموحاتي يعني بعد 5 سنوات من الان .. الله يعطينا طولة العمر



انتهى كلامي وقد ما اقدر اختصرت ارجوا الرد من أهل الخبره والناس الفاهمه وشكراً مقدماً

شقى ساعة ولا كل ساعة
اتعب الحين وارتاح بعدين احسن من انك ترتاح الحين وتتعب بقية عمرك
وللحديث بقية

صدقني بعد الزواج مو مكيفك راتب 5000 ولا 6000 و الله ما ودي احطمك وابي لك الخير لكني بكلمك بالواقع
الحياة فيها اولويات ولسة العمر قدامك على الزواج يعني لو تتزوج بعد 5 سنين من الآن يكون
عمرك وصل 31 ووقتها احتمال تتغير اشياء في حياتك زي وظيفتك و راتبك وشهادتك ممكن تكون اكملت دراستك
وهذا الي انصحك تسويه الآن الدراسة اهم من الزواج ولا يعيب الرجل اذا اتزوج كبير
المهم هو التخطيط السليم و بناء الاهداف و السعي وراء تحقيقها

وليه ساكت راجع مدير الطرق ليه ها السحبة ؟ ..
وبالنسبة للجامعة تقدر تكمل وانت تشتغل ..
حدد أولويات أهدافك ..لابد من التخطيط ..بالتخطيط في سنة راح تبدأ تنجز وتتغير للافضل ان شاء الله ..

أهم شيء تكمل الجامعة اذا ميولك حاسب آلي شف الجامعة الإلكترونية تقدر تكمل تعليم عن بُعد 2500 كل ترم ولها فروع كثيرة في عدة مناطق أو جامعة الملك عبدالعزيز 3000 ريال أو غيرها من الجامعات اللي فيها تخصص حاسب وفيها تعليم عن بعد ...

اذا تبغى انتساب مطور تحضر 3 أسابيع في الترم دورة مكثفة مسائي وبعدها اسبوعين اختبارات شف إدارة أعمال ممكن تفيدك في الوظائق الإدارية

خذ القرض من الحين نصيحة لأنه بعد ملكتك بسنة أو سنتين ما يسمحون لك تاخذ قرض هذا من شروط بنك التسليف لا يعدي على ملكتك أكثر من سنتين أو سنة

سدد القسايم منها وخلي مبلغ صغير للدراسة في الجامعة

حتى لو ما غيرت وظيفتك في الاستقبال عادي ركز على الجامعة ولا تقول راتبي بيصير بعد 4 سنوات كذا

لو أخذت الجامعة ممكن راتبك يكون ضعف راتبك بعد 4 سنوات