السلام عليكم ورحمة الله وبركاته


حبايب قلبي قصتي مايلي :

هاذي بعض التفاصيل المهمه

انا شاب طموح وأعمل في شركة مقاولات " قطاع خاص "
معي شهاده ثانويه عامه واطمح لاكمال الجامعه
العمر 26
أعمل وظيفة استقبال
الراتب 4500 الصافي 4050 التأمينات تأكل 450
مرتاح كثير في عملي
زواجي بعد سنتين من الآن
باقي مأ اخذت قرض الزواج لدفع المهر لأن الوقت بدرري الآن
ساهر يطلبني قرابة 14000
.....
يوم من الايام وانا في عملي موظف استقبال مر المدير التنفيذي وشافني لاشغل ولامشغله
لأن فعلا شغلي بالاستقبال مايفيدني اتصالات وفاكسات وهذا وين ومين فيه ؟؟

بنفس اليوم طلبني المدير التنفيذي قال اشوفك لاشغل ولامشغله اعملك صنعه وحاجه تفيدك توك صغير و وراك زواج وقال لي شي مهم ( قال لو تبي دوره 6 شهور على حسابي ) ماعندي مشكله .. انا مستحي افاتحه بالدوره ماني عارف كيف الطرريقه خاصه ان سألني وش صار معك في شغل قسم الطرق مع مدير قسم الطرق وش اقوله ؟ اقوله ماعلموني للحين !!


وقال لي مدير قسم الطرق عندنا يبيك تشتغل عنده ونجربك شهر اذا اوك وقعنا معك عق جديد براتب 5 او 6 او اكثر

المهم مدير الطرق سعودي قال لكرتيره المصري علم طلال وبس يومين عطاني ارقام المشاريع
وارقام جوالات مهندسين واكتفيت بهالورقتين الي معي الي فيهم ارقامهم


الى الان ماعلموني شغل على ارض الواقع شغل عملي تطبيقي

والحين صار اكثر من شهر كلمت قبل ايام مدير الطرق قلت متى اشتغل قال بعدين وكان مشغول
وهو يبيني اشتغل واكتب خطابات واان هذا الي احبه واتميز فيه سرعة الكتابه بالكيبورد ومعرفة الحاسب الآلي
المهم مآدري وش مصيري معه .. لان انا مآبي الاستقبال ماراح يفيديني ولا يطورني كل شغلي الي اشتغلت قبل مع تنوع الشركات كان كلها استقبال يمكن لان الشهاده ثانويه ..

*** أفكر اكمل جامعه بس بتكلفني وانا وراي زواج حتى وان كان بعد سنتين
أوقات اقول مافي داعي اكمل جامعه اذا بعد 4 سنين بيكون راتبي بالشركه اذا استمريت معهم حوالي 6 وهذا حلو بالنسبه لي وقنوع جدا وبنفس الوقت اتمنى اكمل جامعه لانها مطلب هالوقت ف محتار جدا

ابي أرتب طموحاتي اهدافي افكاري مآبي أخسر ابي اكسب وانا مستعد اصبر لآجل اكسب فالنهايه وارتاح لآني ماتعبت كثير بالدراسه حتى الثانويه كملتها ليلي من الكسل

وبصراحه انا تفكيري كمبيوتر ياباني متطور مع التكنولوجيا ان شاء الله
يعني حاط في بالي أعمل باجتهاد حتى يوصل عام 2020 وأكون تعبت وحققت اهدافي وطموحاتي يعني بعد 5 سنوات من الان .. الله يعطينا طولة العمر



انتهى كلامي وقد ما اقدر اختصرت ارجوا الرد من أهل الخبره والناس الفاهمه وشكراً مقدماً

اولا الله يوفقك ويسهل امرك في جميع امورك

اهم شي الان تعمل تسجل بالجامعه انتساب وافضل لك جامعه الملك عبد العزيز والحق عمرك من بدري
اول سنه بتتدفع رسوم السنه الثانيه قدم على الاعفاء وااذا كرت العائله معك تتدخل اعفاء ااذا راتبك اقل من 5000 الاف ريال

لان مو معقول تجلس طول عمرك على 6 الاف ريال ماراح يزيد الا شي بسيط
لكن الشهادة الجامعيه راح تتفح لك مجالات كثيره وواسعه لابد تحصصل شي حلو سواء بالحكومه او الخاص

بس بالجامعه افضل

نصحيه الجامعه ثم الجامعه ثم الجامعه كمل

اما بخصوص عملك عادي طور نفسك في اي مجال الان واكسب الخبره في اي مجال يطلبه مديرك ولاتستحي من شي

انت تتدري فيه ناس معها ماجستير وتحاول تتدرس وتكمل على حسابها مافكرت ليه
لان راح يفتح مجالات قدامه سواء بعمله او بعمل اخر


بعطيك مثال حي

واحد من الشباب باحد القطاعات كان معه دبلوم وراتبه 7000 الاف ريال كمل جامعه واعطوه 11 الف ريال

الان اخذ ماجستير قبل 5 شهور وراتبه ماشاء الله 16 الف ريال

عرفت الحين قيمة الشهادة ياطلال ؟
الشهادة هذي الايام سلاح من لايحملها فهو ضعيف وقليل حيله

وعسى الله يوفقك ويسهل امرك واي خدمه حاضر

-



ما اعتقد الشهاده لها سبب في زيادة الراتب
ناس معهم الثانويه وماسكين مناصب ورواتبهم تفوق الـ عشرين العبره انك تاخذ لك شغله وتثبت نفسك فيها
بس نصيحتي كمل دراستك او على الاقل خذ لك دبلوم تفيدك وشيل من راسك فكرة الزواج حالياً
وركز على نفسك الآن .. وموفق يارب

السلام عليكم ورحمة الله

أنصحك بنفس كلام الاخ الي قبلي

كمل جامعه والتعليم اصبح سهل والله مو متل زمان

وسجل تعليم عن بعد محاضرات ووجبان مناقشات كلها وانت في بيتك عندك اعمال سنه تفيد في الاختبار النهائي

وحاول معدلك ماينزل عن جيد جدا حتى تقدر تدرس ماجستير في التكنولوجيا ولو حاب تبتعث كمان على حساب الحكومه

الدوله الحمد الله ميسره ومسهله كل شي بس تغى منكم اجتهاد

وربي يوفقكم ويسر لي ولكم كل عسير اللهم أمين

ربي يوفقك وياك مساري

اكيد الشهااده سلاح ايجابي ومهم في هذا الزمن

طيب انا السنه الي راحت قبلتني جامعة عبدالعزيز بس باقي الاجراءات توقفت عندها زي الفاتوره والرسوم ولاصار عليها شي ولافهمت وش يبون بعد

حتى الجامعه الالكترونيه قبلتني وطلبوا مني اكمال الاجراءات من البريد وانتهت المده ويبون رسوم حاولت اسدد ورفضت الصرافه مدري ليه

ع العموم انا ناوي اكمل جامعه بس راتبي الحين 4500 يعني مو من المعقول انتظر سنتين عشان الاعفاء ثاني سنه بالجامعه


لان بعد سنتين يكون على وشك زواج ويكون يمدي لو طلبت زياده يكون راتبي صار بحدود يمكن 6 الاف


انا سمعت في اعفاء ودفع رسوم بس ما اعرف كيف الطريقه اذا هي الي انت تقصدها او في غيرها




طيب انا ناوي ادخل تخصص طبي زي ودي اصير سكرتير طبي او سجلات فنيه هيك

شنو احسن تخصص اقل سنوات واريح ؟

صبرا جميلا والله صدقت هذا الي مخليني احتار اكمل اولا ما اكمل

صديقي بالعمل جامعي واانا ثانوي انا استقبال وهو سكرتير المدير العام بس الراتب الي بيني وبينه مايفرق عن 1000

وسبق جاني عرض وظيفي من الشرقيه شركه طالبه سكرتير الراتب فوق 6 الاف

بس انا من الرياض صعبه اروح هناك يبي سكن وصرف لو حسبتها مايفرق كثير عن هنا


حتى هنا بالرياض الاهل وهذا فرق اعتبره كبير بعد

بخصوص تأجيل الزواج صعب جداً وانا رافضه

أهل البنت شرطوا من شروط الزواج يكون الزواج بعد 3 سنوات راحت سنه باقي سنتين

وبصراحه خلاص ودي اتزوج واستقر وارتاح واروح البحرين نتمشى انا و زوجتي


مليت اروح البحرين بروحي

وانا اشوف بالعكس باقي سنتين على الزواج وهي كافيه لاتمام كافة اموري قبل الزواج

اخ طلال
بالنسبه لرسوم الجامعه اول ترم على حسابك تدفع وثاني ترم يعفونك ادا قدمت على الاعفاء وضحت
وادا الوالد في الضمان يعفونك من اول ترم

بالنسبه للفرق بين تعليم عن بعد وانتساب
هو انه الانتساب تعتمد على نفسك مافي حضور قبل الاختبار بشهر يعملوا لكم دورة تاهيليه كل ماده ايش محذوف وايش الي معاكم بس بدون شرح والاختبار من 100
تعليم عن بعد فيه محاضرات حضور وغياب ووجبات ومناقشات كلها عليها درجات وتبدا من 4 العصر الي 9 بحسب جدولك
والاختبار النهائي من 70

والتخصصات في جامعه عبد العزيز ..لغه عربيه .دراسات..لغه انجليزيه ..ادارة اعمال
الا ادا عديت السنه التحضيريه بمعدل مرتفع وحولت انتظام تفتح لك جميع التخصصات اختار الي يناسبك
في جامعه فيصل .نفس الي فوق وزياده عليها صعوبات تعلم ...اعاقه سمعيه..اعاقه فكريه...علما اني لاانصحك فيها خطتهم الدراسيه مقتضه !! بعكس عبد العزيز الترم الواحد اكثر شي 6 مواد

اما حكاية تخصص طبي فيه في جامعة عبد العزيز دبلومات تاهيليه لحملة الثانويه
في الحاسب والشبكات وايضا سكرتارية طبيه ولغه انجليزيه مدتها تقريبا اكثر شي سنتين ونصف
وادا تبغى معلومات اكثر انصحكم بمنتدى الجامعه يفيدونك اكثر

اتمنى افدتك