السلام عليكم
حابه استشيركم
عندي مشروع بديت فيه بالبيت
طباعه على اكواب وكفرات
لاني عاطله فكرت بمشروع استكفي فيه عن اهلي
ولا اطلب احد واعتمد على نفسي
هذا كان هدفي الاول !
لكن الحين اطمح افتح محل واوسع من المشروع
عندي افكار لكن ماعندي احد يرشدني
ماعندي احد يوجهني
مافي راس مال كافي
و ابغى اخذ قرض من باب رزق جميل وهذي الشركات اللي تدعم المشاريع
وبنفس الوقت خايفه اخسر وانكب

حابه افتح محل يكون نسائي وانا اديره واجيب معي عامله في البدايه

فكرتي بتوسيع المشروع
انه يكون محل ورد وبالونات الهيليوم شامله الطباعه على الاكواب وغيرها


او محل لمستلزمات الحفلات
من ضمنها الطباعه
وتاجير عربات الفشار وحلاو القطن و مكاين العصيرات والذره والنطيطات



او محل كوش الافراح ويندمج مع الورد وكذا


مدري كيف ابدا ومن وين
وكيف اسوي دراسه للمشروع
وكيف اخذ القرض وكيف اسدده
وكيف استقدم عامله
وكيف ومن وين يجيبون الورد والمكاين واغراض تجهيز الكوش
وين يكون موقع المحل
المحل يكون اجار والا شراء ؟
ايهم افضل يكون نسائي والا عام ؟
واذا كان عام
من اامن على المحل عشان لايصير سرقات ؟
كيف تكون الدعايات والتسويق للمحل ؟


ابغى معلومات تفيدني قبل اخوض التجربه
ابغى اكون ملمه بجميع المعلومات
واكون فاهمه كل شي
ابغى احد يفيدني
ومابنساه من دعواتي بهالساعه

الله يوفقك ويرزقك من واسع فضله
فيه مركز جنى تابع لبنك الراجحي
ابحثي عنه في قووقل واطلعي على التفاصيل
وفيه موقع اسمه اونلاين كنانه فيه دراسات جدوى لمعظم المشاريع
يمكن تجدين دراسة جدوى لمشاريعك الي ذكرتي وبالتوفيق

المشروع جميل , والحماس اجمل .. انتي جربتي المشروع حسب كلامك , وعارفه التكاليف والارباح .. اذا ترين انه مجدي ... استكملي حسبت التكاليف الاضافيه للمشروع مثل اجار محل وتاثيثه .. ثم احسبي المصاريف الشهريه مثل .. الايجار والرواتب والكهرباء وكل المشتريات الي تشرينها لكل زبون تبيعين له.. ثم احسب الربح بافتراض نسبة معينه من الزبائن شهرياً ,,, وبكذا عملتي دراسة جدوى سريع لمشروعك ... طبعاً الانتقال من التجاره من البيت للمحل , انتي من يحدد جدواها , حسب خبرتك ودراستك لسوق وتحديد مقدار الطلب .... احسنتي عندما اردتي معرفة كل شي قبل البدايه ,,, وفقك الله