السلام عليكم ورحمة الله وبركاته
اجنبية أرملة ولها أولاد من زوجها السعودي المتوفى هل يحق لها التقديم على الضمان
وهل يشملها الضمان مع أولادها أم فقط الأولاد وماهي الأوراق المطلوبة لذلك . علما بانه
ليس لديهم أي دخل .
أرجو ممن لديه معلومات الا يبخل بالرد .... وللجميع تحياتي

وعليكم السلام ورحمة الله وبركاته
دام عيالها سعوديين هي اكيد معها جنسيه سعوديه
المهم سواء معها جنسيه اولا
يحق لها تقدم ع ضمان والمقطوعه والاسر منتجه وغيرها من برامج
وجمعيات خيريه مثل بنيان وانسان وغيرها حسب منطقه
وتاهيل شامل اذا كان عندها احد تعبان اوهي
والاسكان
والوظايف
هي تتعامل الحين ك سعوديه
وخل تاخذ صك الاعاله وتكون معيله لااولادها
وان شاءالله يفيدونك الاخوان اكثربالردود

هلا والله حلاوه قطن
ايه عارفه مو شرط تكون خذت جنسيه بس يعاملونها كأنها سعوديه بماانها ارملة مواطن سعودي وأولادها سعووديين ومشكوره ع توضيح عزيزتي
لصاحبة موضوع الله يرحم زوجها وتروح ضمان بأقرب وقت لها اولعيالها كلهم واحد أهم شي لاتياس وكان الله بعونها

الله يرحمه ويرحم جميع أموات المسلمين
أي والله صح كلامك ياايفوني خليها تتوكل على الله وتروح
ربي يسهلها
ولكن أفضل قبل لاتروح وتضرب مشوار تتصل عليهم وتسألهم وعشان كمان تعرف الأوراق المطلوبة وتروح مرة وحدة وتسألهم هل لابد من صك ولاية

شكرا لكل من تكرم بالرد وخصوصا الأخ المنتصر بالله
وأود التوضيح بان الزوجة لازالت تحمل جنسيتها الأصلية ( غير سعودية) كما أن صك حصر الورثة
يشمل أيضا أبناء الزوج المتوفى من زوجته الأخرى
أما بالنسبة لصك الولاية أو الوصاية فهل تستطيع الحصول عليه بالرغم من وجود أبناء للمتوفى
من زوجته الأخرى وهم كبار وبعضهم متزوج ولديه أبناء أم تكون الولاية لهم على إخوانهم الصغار
وياريت أحد يوضح لنا الفرق بين صك الولاية وصك الوصاية
وشكرا للجميع وجزاكم الله خيرا .

خليها هي تكون وصيه اومعيله اريح لها
تقدر تقدم وتروح لااي جهه بدون ماتتطلب فلان وعلان
وحتى لو أنها ع جنسيتها الاصليه مافيه مشكله تتعامل بكل شي كنها سعوديه
وتستطيع تأخذ ولايه عليهم
واعاله
وان شاء الله يفديونك اكثر

عيالها سعوديين يعني من السعوديه وفيها يمشي لها اللي يمشي للمواطن ان شاء الله تطالب وماتسكت لها ولعيالها