السلام عليكم
يااخوان انا طلع اسمي في جدارة على المرتبة السادسة بوظيفة ( باحث احصاء ) ببهيئة التحقيق و الادعاء العام .. و بعد ماسألت عن الوظيفة قالوا لايوجد لها بدلات و زي ماتعرفون راتبها بحدود 6100 ريال ..
حاليا انا عسكري برتبة عريف و راتبي تقريبا 10 آلاف و مرتاح وعملي مكتبي .. عمري 30 سنة و فكرت جديا و قارنت و جد جد احترت .. احتاج اعرف المزايا اللي ممكن تكون و لو حاولت اطور نفسي دراسيا وين ممكن اوصل .. صحيح المستقبل مهم التفكير فيه بس لو تلاحظون على السلم الحالي احتاج اكثر من 10 سنوات علشان يتجاوز راتبي هالراتب .. احتاج رايكم و مشورتكم والله يكتب لي ولكم التوفيق

قلبها يمين يسار

بس المدنيه اريح بكثير

راسلني خاص

والله ياخوك هذه مشكلة الوظيفة المدنية والشكوى لله ،لكن حسب ماسمع والعهدة على الراوي ان هيئة الحقيق والادعاء العام بالرغم من المميزات التي تمنح لاعضاء الكادر الخاص بها (مختلف عن السلم العام) الا انهم في الوقت نفسه يتسربون كثيرا الى المحاماة ووظائف اخرى بسبب صعوبة العمل وكثرة الجرائم الجنائية في النهاية لاتنسى الاستخارة والاستشارة.

تسلم وحاولت اراسلك خاص مايقبل لازم تتعدى نشاركاتي ال 30

شوف مافي مقارنه بينهم
والعسكريه اليوم مكتب بكره تحصل نفسك بمكان ثاني والتقاعد كم بيصير راتبك وحقوقك بعد التقاعد
اخر مكرمه اعرف عسكري له عشر سنين اخذ 9500
واخوه مدني له سنتين ونص اخذ بالمكرمه 18000 الف

الحريه حلوه

في مثل يقول وجه اعرفه ولا وجه اتعرف عليه
بما انك جامعي راح تساعدك في الترقية
وفرق الراتب له دور لا تفكر في تقاعد من الان
فكر في تكوين نفسك
المدنية اجازاتها كثيرة والناس ما تصرف الا في الاجازات
يعني راتب قليل ومصاريف زيادة
وكمان انظر لالتزماتك المالية الحالية وقارنها على راتب المدنية
رواتب العسكر افضل من المدنيين ولكن كل بدلات
وشهادتك تقدر تستفيد منها بعد تقاعدك لو تقاعدت وانت باقي فيك شدة عمل

وكل أمرك لله تعالى

وروح للمدنيه أفضل من العسكرية بكثير


الله يكتب اللي فيه الخير للجميع

ي اخوي مايبيلها تفكير
المدنية افضل بكثير مافي مقارنه ومستقبلا افضل بعد
العسكريه لا تقاعدت نص راتبك يروح عكس المدنية ينقص شي بسيط
العسكريه انت مكتبي تقول لاكن مش مضممون اي شي يحسب عليك اخطيت شي على طوول انزل ميدان
انحش ي رجل اعرف رقباء سحبو وراحو اداريه وراتبهم فوق عشره ونزلت ل سته بالمدنيه لكن فرقت المدنيه راحه اكثر
استخيير شف اللي يناسبك

كمستقبل المدنية افضل , لان راتب العسكري اغلبه بدلات فحتكون مشكلة اذا تقاعدت .

ولكن في الوقت الحالي انا اشوف وظيفتك العسكرية وبما انك مرتاح فيها وكراتب اعلى اشوف انها افضل .

اذا تبي رايي خلك ف وظيفتك العسكرية ومتى ماتحسن سلم الرواتب للوظائف المدنية قدم عليها , لان فيه

دراسة رفعت لمجلس الوزراء تناقش وضع السلم . وانت كل سنة راح تزيد نقطتين وحظوظك راح تكون اعلى