السلام عليكم


اخواني انا حابة افتح استديو تصوير نسائي و ابي دراسة جدوى للمشروع اذا ممكن

وأبي استفسر من الاخوان الي عندهم استديو ايش المشاكل الي واجهوها
من وين الخامات وال ألبومات والطابعات والأكسسوارات وكل المعلومات


وآخر شي ابي نصيحتكم ودعوتكم لي بالتوفيق

وعليكم السلام

هل لك بتصميم الصور ؟ وانتاج الفيديو ؟

اذا كنتي بتشتغلي بنفس المحل طبعاا

وتحتاجي الى كاميرات ذو جوده عاليه في التصوير عشان المناسبات والزواجات تلتقطي انواع الصور

ومن ناحيه الخامات يجي الي يفيدك فيهاااااا


ولازم ايجار محل اظن لازم يكون له مدخل مع الجنب زي نظام الكوفيره < ممكن مو اكيد

النسائي حسب خبرتي من ناحية الكاميرات اهون من الرجال بكثير
الرجال لايبحثون عن جودة العمل كثيرا فهم يبحثون عن الفخامه داخل الصاله يعني جيب افضل الكاميرات وافخمها داخل الصاله فهو يعتبر التصوير جزء من ديكور الصاله ولا تتعب نفسك في الانتاج لان الرجل لايهتم في الجوده كما اسلفنا هذا اذا جا اصلا يسال عن شغله بعد التصوير !! الا ماندر 1%

اما النسائي مايهم نوع الكاميرا اهم شي تكون HD ولا يهتموا شنوعها وحجمها وكبرها بس ياويلك ان كان جودة عملك ضعيفه راح تضعين نفسك في مواقف لا يحمد عقباها وقد تصل للهيئه

يفضل اختي انك ماتحجزين زواج الا بعقد تصوير لان بعض الزبون يستضرفون بعد التصوير ويقولون لك ماقلنالك سوي كذا او كذا فاكتبي بالعقد جميع الشروط اللي لك واللي عليك عشان اي شكوه من زبونه نذله يكون عندك العقد تحجينها فيه

والامانه اهم شي الامانه بعض الاستديوهات هداهم الله الشي اللي مايعرفون يسووه يرسلون العمل لاستديو رجالي من تحت الطاوله وللاسف اغلب الاستديوهات المشهوره واللي الناس حاطين ثقتها فيه تسوي هالحركه الوصخه لا دين ولا ضمير مع كل اسف ...


بالنسبه من وين تجيبين العده من وين انتي ؟؟

قبل ما اطلع ... نصيحه لوجه الله ان كنتي من سكان الشرقيه لاتفتحي محل ان كان توجهك التصوير الخارجي
جهزي لك غرفه في بيتكم واعلني عند صحباتك والانستقرام والواتس وجميع الوسائل الاجتماعيه وراح تنجحين ميزة النساء مو مهم يكون محل عشان يجوك واذا شغلك نظيف وجوده راح تنشهرين تدريجيا

بس لابد تستخرجي رخصة اعلاميه وهذي الرخصه مو شرط يكون عندك محل لكن تحتاجين وكيل من اهلك عشان من شروط الرخصه النسائيه يكون عندك وكيل او احد من اهلك يسجلها باسمه من الرجال ومراح يدققون بالاسم في الصاله اهم شي رخصه اعلاميه ولا يهم من المالك يعني بعد اذا تمونين على استديو بامكانه يصور لك رخصته الاعلاميه وتستغلين فيها


بالتوفيق

جزاكم الله الف خير علي الإجابات

صحيح ان مافي شي سهل ربي يسهلها علي

انا من المنطقة الشمالية وعندنا قلة للاستديوهات النسائية عشان كذا فكرت بالموضوع

نفسي اعرف الأجهزة أسعارها وانا ابي أسوي كل شي بالأستوديو من طباعة وغيرها لانها أمانه والواحد يخاف من ربة

كلميني خاص واضبطك باجهزه سعرها رخيص ويوفر لك مبالغ طائله
وشنو تحتاجين