حياك الله اخوي خالد الغربي

لا ان شااء الله ما فيه اي خوف من الوزن باذن الله

اهم شي عندهم الامراض وما شابهها

وان شااء الله انك من المقبوولين

دمت بخير

حياك الله اخوي زعيم

بالنسبه لدراستهم فهي زي ما قلت انت انجليزي ( وراح يكون دراسه مكثفه )

والرياضيات تاخذها بعد ما تعدي المستوى الرابع باذن الله او الخامس على حسب الخطه الموضوعه للطلاب

وابي ابشرك واقولك ان دراستهم سهله وهم يراعون الطلاب لدرجه كبيره جدا

اما بالنسبه للسكن

بما انك راح تدرس في الاحساء فراح يكون سكنك في مجمع اسمه ( العضيليه ) مجمع كبير تابع لارامكو فيه اسكان الطلاب وكذلك اسكان العاملين وهو مجهز بالصالات الرياضيه والمسابح والمطاعم وجميع ما تحتاج اليه

والسكن راح يكون كل اثنين مع بعض يعني اذا تعرف احد معك تنسق معاه واذا وصلتوا هناك تسكنون مع بعض او ان الشركه هي اللي تحط لك خوي معك بالغرفه

دمت بخير

نبراس جزاك الله خير على هذا المجهود
انا عندي استفسار بسيط الله يخليك واحد من الشباب اختبر في الرياض اختبار مبدئي وقبل كم يوم ارسلوله ساله وراح لهم وسوا فحص وقالو نردلك بعد العيد ؟
واليوم ارسلوا له كلية الامير سلطان للعلوم الصحية بالظهران وقالوا جيب الشهادة الاصل الاسبوع الجاي فارجوا افادتي يعني وش تنصحنا فيه؟؟؟؟؟؟؟

السلام عليكم..
اخوي نبراس جزاك الله خير..عندي طلب لوسمحت.
انا خريجة وعندي شهادة بكالوريوس وابغى اقدم على وظيفة في ارامكو علما بأني تدربت لمدة شهرين صيفي في ارامكو..
اللي اريده تشرح لي طريقة التقديم على موقع ارامكو لاني كذا مره افتحه ولاأعرف اشلون اقدم للوظيفة لان يظهر لي كذا خيار ولاأعرف شنو أختار؟؟
ومشكور وماقصرت وجعله الله في ميزان حسناتك.

حياك الله اخوي تيكون

بما ان خويك سوا الفحص وما ردوا عليه وقالوا بعد العيد هنا ترجع لخويك

هل خويك سليم يعني ما فيه امراض او شي لا سمح الله

اذا كان متاكد من نفسه فانا اقوله توكل على الله

وبحسب خبرتي ما احد يرسب في الفحص الا نادرا

وفي الاخير احب اقولك خل خويك يستخير الله

ويصلي ركعتين ويشووف وش يصير له عندالاستخاره

اتمنى اني قدرت افيدك

دمت بخير

حياك الله عبق الايمان

الطريقه كالاتي :

1- تدخلي على موقعهم : وتعربي الصفحه من فوق الخيار( عربي )
http://www.saudiaramco.com/irj/portal/anonymous

2- تختاري الخيار(وظائف ) من اعلى الصفحه .

3- راح تفتح لك صفحه وفيه ثلاث خيارات على يمين الشاشه :

*السعوديين .
* غير السعوديين .

تختاري منهم .

4- راح تفتح لك صفحه جديده في وسطها ثلاث خيارات ايضا ( تختاري اول خيار ( التوظيف ) .

5- راح تفتح لك صفحه جديده في اسفلها موجود خيار ( بحث عن وظيفه ) اضغطي عليه وراح تطلع لك الوظائف المتاحه .

6- راح تطلع لك خانات بالانجليزي اكتبي فيها الوظيفه اللي تناسب تخصص وراح تطلع لك وسجلي فيها .

اتمنى انس قدرت اساعدك .

دمتِ بخير

صعب الوظيفة عندهم اذا مافي واااسطة

حياك الله آلاء الرحمن

بالعكس الوظيفه في ارامكو من اسهل ما يكون

اذا كنت تمتلكين الخبرات اللازمه والشهائد العاليه

واظن هذا شي قليل مقابل ما تقدمه لك ارامكو من مميزات ومكافئات .

دمت بخير

طيب أخوي نبراس.. مكافئة التدريب لطلاب الثانوي أول سنه كم ..وبعد ماتتوظف كم ياصل الراتب..وهل يختلف من تخصص الى تخصص ولا كلها نفس الشي..وآسفين على الاطاله ويعطيك العافيه يالغالي

حياك الله اخوي نكد

المكافاه راح تكون 2500 ريال

250 ريال بدل سكن وجزء منها للتامينات الاجتماعيه والتامين الطبي والمواصلات

هذا اول سنه

ثاني سنه راح تاخذ مكافأه 3000 ريال تقريبا

والراتب راح يكون حسب التخصص وما اقدر اقولك كم يصل الا على حسب تخصصك اللي راح تدرسه

واكيد ان الراتب يفرق من تخصص الى تخصص وكذلك من منطقه الى منطقه

واذا عندك اي استفسار راح اكون لك حاظر وموجود

دمت بخير