يسعد مساكم كلكم نفر نفر
انا مسجل بشركة في التامينات
يعني موظف الحمدلله

وأبي افتح موسسة مقاولات
باسمي هل أستطيع
ام هناك عائق

ماذا يطلبون مني اذا قدمت
واأبي منكم الخطوات
علما انه عندي 5سعوديين جاهزين السعودة على مؤسستي
كم عامل يعطونن
وأبي الخطوات وين أتوجه

سؤال وجيه
نتمنى مشاركة أصحاب الخبره

a شف طال عمرك ماتقدر تفتح مؤسسة الا لمن تروح للتأمينات وتلغي التأمين اللي بأسمك حتى مايكون عليك شي وبعدها تقدر تفتح مؤسسة وحتى اذا كان عليك قسايم لازم تسددها

والاشخاص اللي معك بالسعودة , كل واحد يعطونك عليه 3 تأشيرات
يعني كل شخص يقدر يفتح مؤسسة وحدة بس بأسمه ويدونه عليها 3 تأشيرات على حسب مساحة المحل

اذا كان مساحة المحل اقل من 24 متر مايدونك الا 2 تأشيرتين واذا كان 24 وفوق يدونك 3

وكل ماكبرت مساحة المحل يدونك اكثر واكثر ،

وربي يوفقك

اخوي مجرد انك تفتح مؤسسة تحتسب انت ضمن السعودة ولاتسجل سعودي ولاشي حتى يعطونك تاشيرات تأسيسية طبعا بعد عشر ايام وتقدر بعد مايجون العماله تنقل الى 9عمال بعدها لازم توظف سعودي عشان تنقل عماله لاتتوهق يعني انت تحسب على 9 او عشرة وبعدها سجل اللي تبي

يعطيكم العافية


واضح أنكم مافهمتو وش اقصد

[align=center]أي نعم تقدر أخوي تفتح مؤسسة ولايعيق تسجيل أسمك في التأمينات
الخطوات اذا كنت في الرياض
الخطوة الأولى
تقدم على السجل وتسدد الأشتراك اذا حاب من سنة إلى 5 سنوات مع أشتراك الغرفة التجارية عن طريق الأنترنت وتطبع السجل - ( موقع وزارة التجارة تسجل فيه وكل أمورك سهله أن شاء الله)
الخطوة الثانية
تستأجر محل وتأثثه وتروح للبلدية يطلبون منك عقد الإيجار والسجل التجاري وصورة للوحة المحل طبعا لاتنسى تأخذ صور للأوراق المطلوبة وبعدها يستلم الموظف الأوراق ويقولك خلاص بكرة يطلع الموظف للمحل ويحدد لك وقت مثلاً من 8.00 ص إلى 10.00 ص تنتظره لين يجيك يشوف المحل ( يشوف كم المساحة ويتأكد من اللوحة ) بعدها يقولك راجعنا بعد الظهر أو بكره لمى تراجعهم اذا أمورك تمام ماعلى محلك ملاحظات يعطيك ورقة فيها رقم سداد و يقولك سدد رسوم اللوحة السنوية تنتظر ربع ساعه يدخل رقم السداد و تسددها ويطبع لك رخصة المحل وتنتهي من أجراءات البلدية
الخطوة الثالثة
تسوي الختم وتروح للغرفة التجارية وتسجل مؤسستك وتوقيعك أو اذا حاب تضيف غيرك مفوض ( ماتاخذ منك وقت وانت واقف )وبعدها تشترك في خدمة واصل للبريد السعودي وتروح مكتب العمل تفتح ملف لمنشأتك ( المؤسسة) بعدها تنهي أجراءات التأمينات

بس أخوي في نقطة بقولها لك تأكد من عدد التأشيرات لأني سمعت بأن العدد الآن 2 تأشيرة بسسسس
واذا كنت تظن أن عدد التأشيرات بعدد السعودة لا غلطان ياخوي السعودة مالها علاقة إلا في رفع نطاق المنشأة ( أتكلم هنا كتأسيس جديد)
والله يوفقك ويسهل أمرك [/align]

يعطيك الف عافيه