السلام عليكم ورحمة الله وبركاته

الى اعضاء اقروب الغليين مع اتحيت
^^^^

(يقلد امظلوم)

بعض الناس للاسف تحس ان راسه زي راس المعسل ما يفهم الين تطلع راسه وتدقه مرتين وتنفخ فيه شوية بعدين يركز معك....يعني تقوله نكته ....تلقاه ساكت قاعد يفكر يدور لها حل على باله لغز!!!!!

والا بعضهم تقوله كم عدد الحواس الخمس يقولك في خيارات؟؟؟ الا والله فيه مخمس يبنط في اذانك الين تصفر....


وبعض الناس راسه زي حبة الفستق مقفله من جميع الجهات ما يستوعب الكلام الا لما تضربه في جدار بعدين تتفتح مسامات المخ ويفهمك لا ويسلك لك بعد يقولك انت تقصد كذا ؟؟طيب كان قلت من اول...معليش حبيبي انا ما اعرف عربي....

بعض الناس زيي ما شاء الله علي ما احب امدح نفسي بس المفروض يحطون صورتي على الخمسيمة ريال بس اضبط الشنب و*****وكة وان شاء الله يوصل الريال اعلى من اليورو
وابني لكم مستشفيات ومدراس وازفلت لكم الشوارع والله العظيم اتحداكم تلقون واحد زيي في العالم يحمل نفس بصماتي
^^^^^
بس ياشيخ
ياللي ما مثلك في الدنيا احد
ياخر حبة
يامخلص انت

^^^^
اخرس يابكاش انت مخك زي طاقية الكويتيين مخرمة من كل مكان


للاسف ان العينات اللي فوق تتزوج وتتكاثر زي بقية البشر المفروض ان الطب يشوف له حل يعني يخليهم زي بعض انواع البكتريا تتكاثر بالانشطار وماله داعي يتزوج ويغلب بنت الناس
المشكلة ان اهله يدورون له بنت تعقله ....واهل البنت يدورون لها واحد يسعدها....

هي نفسها استطعنا بس ما استطعنا...

الحكومة بنفسها لازم تتدخل...اقل شي يسمحون لهم بالتفحيط على حافة جبل والا عند محطة بنزين...
والا يخلونهم يلعبون على الخط السريع واللي يموت مرتين يطلع برا...

المؤسف في الموضوع لما هالاشكال تحب!!!!!!! على باله الحب صدام كامري والا كلتش قلاب والا دفرنس جيب!!!

لا والحبيب يبغى يعف نفسه بالحلال....اكيد بالحلال اجل بالله في احد يعف نفسه بالحرام
الحبيب يبغى يبعد عن الحرام ههههههه اصلا الشيطان يشوفه يبروح للحرام يقوله لا لا عود وراك انت موب وجه حرام ....

واحيان الشيطان يندم انه وسوس له تلقاه يوسوس له ويجيب معه اثنين يترجمون له عشان الحبيب يقع في الحرام
وبعض الناس على الحرام ان الشيطان يترفع عن الوسوسة له لانه ما يفهم لا عربي ولا انجليزي واذا يبي يرقعها قالك الانسان موب معصوم بالخطا.....هههههههه معصوم بالخطا والا معصوب بالقشطة...تقلع بس

بالفعل الواحد يبغى يعف نفسه بس ما يفكر في مرحلة ما بعد العفة...يبو عفة انت يالعفيف ترى بعد العفة خلفة ويبالها تربية وتعليم يعني مو معقولة الجيل الجديد يمشي على نفس نهجك لازم تعدل شوية...
يعني انت الحين حافظ هذا الحديث عن عبد الله بن مسعود قال : قال لنا رسول الله صلى الله عليه وسلم { يا معشر الشباب ، من استطاع منكم الباءة فليتزوج فإنه أغض للبصر ، وأحصن للفرج ، ومن لم يستطع فعليه بالصوم فإنه له وجاء }

حافظ النص الاول وتناسيت النص الثاني ....

عارف ليه ....

لانك صوم الفريضة في رمضان ماتصومه ....ههههه
لاتضحك فاكر المريندا والتونة ان كنت ناسي افكرك

لا وبعضهم فاطرين في النهار وفي المغرب يزاحمون الصايمين على افطار صايم


نعود للزواج ...الصيام ملحوقين عليه خير

الزواج يبي له احاسيس ومشاعير....اقصد مشاعر...بعض الناس استغفر الله لما يجي يبوس تحس انه فاتح علبة جبنة قزاز او عصير تروبيكانا....وبعض الناس اقسم بالله مايهتم بنظافته الشخصية تشوفهم تشفق على زوجتهم كيف متحملته


للحديث بقية ....فيما يبدو ان اخلاق الكاتب قفلت....وبتفتح بعد الصلاة********>ههههههه

العنوان بصراحة مره فخم , وزبدة الموضوع وصلت..

والله زمااااان عن مواضيعك الهآدفه

بس ايش هو الدفرنس

ويعطيك العافيه