مساكم حلا
بخش بالموضوع على طول
الله يحفظكم قريتنا تطورت خلاص وقبل كم شهر البلديه حطت بكل حي ملاهي امحق ملاهي عز الله بس البزران مبسوطين عندهم كنها دزني لاند ههههههههههههههههههه
المهم اللي عند بيتنا ورا غرفة ابوي وصوت البزران واصراخهم وابوي كبير بالسن صار يطلع ويهاوشهم ويطردهم كلم اخواني يحوطونها بشبك ههههههههههههههههههه ويبي مفتاح بعد بس رفضو وقامو يتهربون
كلمني وصرفته مره مرتين وانا بوجهه يوميا
اليوم جيت من الدوام وهو قاعدلي عند باب البيت قالي هاه وش سويتي قلت بشنهو يبه قال بتحطين الشبك اللي قلت لك احسبه نسى انا
قلت لاوالله مافضيت ييبه قال تكفين ي منيره وانا ابوك
عاد انا اخنقتني العبره ابوي ويقولي تكفين
الحين ابي اشبكها له ذا الليل واعطيه المفتاح بعد واللي بيصير يصير
كلمت الجيران قالو تفداكم عادي هم عارفين ابوي كبير بالسن ماراح يزعلون
وفيه ناس قالو قبل تبدين كلمو البلديه يشيلونها مكان ثاني لانها تزعج الوالد

ابي رايكم نحط الشبك
ولا نكلم البلديه


كل شي الا ابوعبدالله يتضايق

مافي الا انك تكلمين حرامي ابن حلال يشيلها ويبيعها ويفككم منها

ابك وش هالكلام

عاد تصدق فكرتن ازوينه بس اخليها اخر الحلول انتظر الباقي

انا مانام اليوم الا والحل موجود ان شاء الله

الاولى انكم تكلمون البلديه وتبلغونهم انها تسبب ازعاج وتطلوبون من احد المراقبين انه يجي ويشوف بنفسه وياليت لو الشايب يكلمه بعد

مدري
كلموا البلديه
يمكن تنفعكم بشي
واذا مانفعوكم ،، خلاص حطوا الشبك
*

انكلمهم بكره ان شاء الله
لا لا ابوي مانبيه يكلمهم بيجيب العيد بيسب الاولي والتالي

الله يصبرني لبكره
ان وافقو زين ماوافقو بنشبك وبس

الشبك مخالفه وبعدين اذا ركبتو الشبك ماراح يمنع الاطفال بالعكس نقزه الشبك بتصير لهم لعبه جديده وخطيره

كلموا البلدية أول ممكن الشبك يسبب مشكلة للأطفال وتصيرون في مشكلة ..

والبلدية ان شاء الله تتجاوب معكم ..

صحيح والله
والله عادي عندنا بس ابوي ربي يطول عمره بيقعد مقابلها طول يومه وسب بهالبزران
وتعرف كبير بالسن اللي يبيه لازم يصير
بنشوف البلديه ويارب يشيلونها ونفتك
مانبي الا العافيه وبس
ماتسوى علينا هالملاهي
كلها زحليقه ومرجيحه