السلام عليكم

يا اخوان انا داخل جامعه ان شاء الله ودعواتكم لي وباقي على فتح التسجيل الجامعي اسبوعين فقط

ابغا منكم تفيدوني وابشرو بالدعوات الطيبه لاني متخوف كثير من بعض التخصصات يكون فيها صعوبه

ومستقبلها الوظيفي ضعيف (وانا عندي الحفظ احسن بكثير من الفهم) والتخصصات اللي ببالي هي :

1/ تربيه خاصه ( صعوبات تعلم )

2/ محاسبه

3/ نظم معلومات اداريـه

4/ قانون .. يقولون يجيب نفسيه ههههههههه وخوفوني منه كثيرين قالو صعب ومستقبله الوظيفي ضعيف شوي


ابيكم تفيدوني تكفون اللي يدخل للموضوع يكتب اللي عنده واهم شيء التخصص اللي يعتمد على الحفظ وفيه نسبه قليله من الانقليزي يكون افضل وتخصص ممتع بنفس الوقت ومواده مفهومه

وعليكم السلام ورحمة الله وبركاته
أنا بعطيك ( رأي ) لكن لازم تبحث انت أكثر .
حسب متابعتي لإعلانات التوظيف أشوف الأفضلية للمحاسبة
تخصص مطلوب في القطاع الحكومي وحتى الخاص .
لكن الإنجليزي موجود الحين في كل التخصصات تقريباً
إنت لازم تتبع الشي اللي تحس انك بتبدع فيه او تحبه
وحاول تستشير وتسأل أكثر .
الله يوفقك

المحاسبة عباره عن جداول فيها حسابات فيها صعوبه شوي للي مايحب الرياضيات ابد
با النسبه للتربيه الخاصه فااااااشل جدا جدا ويحذرون منه دائماً ومايمدحه الا الجاهل .
القانون تخصص جيد با النسبه للطلاب
عندي نصيحه بما أن ميولك للحفظ
عندك تخصص علم النفس تخرج من هنا وتتوظف اخصائي نفسي من هنا تخصص مطلوووووووووب لكن يحتاج مهارات في الشخصية عشان الشخص ينجح مع اني اشوف ناس عاديين ويشتغلون .

[align=center]الله يكتب لك إللي فيه الخير عزيزي

ولكن أنا أعرف واحد معرفة قوية جداً وخريج محاسبة

والمحاسبة مطلوبة في القطاعيين الخاص والعام

ورواتبها في القطاع الخاص ( الشركات يعني ) يبدا من 9000 ريال ويصل إلى 14000 كصديقي الذي ذكرته سابقاً ماشاء الله

قيمتهم في السوق عالية لأن أغلب الذين يعملون فيها أجانب ويرغبون بالسعودي صدقني


تقبل تحياتي ،،،[/align]

أفضل شي من التخصصات الي ذكرتها المحاسبه
بقيه التخصصات لك عليها لو تتخرج صعب تلقى وظيفه

المحاسبه حلوه ومي صعبه اذا كنت مجتهد تذاكر بدون بزوطه
راتبها حلو ومطلوبه في الشركات والحكومة خصوصا لما تجيب معدل عالي وقتها تتحكم بالعروض الي تجيك

شووف حطها ببالك ،

اذا ما جبت معدل كويس في المحاسبة وماعندك لغة انقليزية

لا تدخلها

المحاسبة قوية بس يبي لها تقدير لا يقل عن جيدجداً ، ولغة انقليزية


--

صديقي متخرج محاسبة لكن ما انقبل ولا في وظيفه بسبب معدلة وتقديرة جيد ، وماعنده لغة ، كل ماجاء بيقدم يبغون جيدجداً وفوق ويكون معاها لغة ..


يعني لا تستهين في المعدل واللغة

--

عندك علوم حاسب ومتفرعه ومجالاتها الوظيفية كثيره ( مبرمج - شبكات - دعم فني ... ناسي التخصصات الثانية) والحاسب الحين في كل مكان وكثير يطلبونة .

ايضا يحتاج لغة انقليزية ،

انا تخصص علوم حاسب ومتوظف الحمدلله اول وظيفه كان راتبي 7250

والحين مرتفع الراتب ولا عندي لغة لان معدلي كان مرتفع ..


وقبل كل شيء أستخير أستخير أستخير ..


والله يوفقك ويسهل امورك ويرزقنا وياك ومن يقرأ من حيث لا نحتسب