السلام عليكم ورحمة الله وبركاته

اليوم انا أبعيد لكم موضوع يمكن الكل كرهه من كثر تكراره في هذا المنتدى بالتحديد
ولكن انا بعيده بشرح وتساؤلات حلوه ،

انا في الأيام أخبره صراحه ولا يخفى عليكم صرت افكر كثير في التموينات او بقاله
وقريت واستفسرت عن ها لموضوع كثير ولكن حسب اللي فهمته بالأخير هي الشغلة
على يدك يعني تطنخ العامل يطنخك المهم ما علينا لكن انا احب أستشيركم

هل مبلغ 130 الف ريال راح يكون كافي لتموينات فتحه او فتحتين كحد أقصى
في شمال الرياض مع اني حسبتها مليون مره ولكن سؤالي هو ،

هل المبلغ بالعربي يكفي ،
وهل في إمكانية ان المشروع بينجح بعامل واحد بس ،

مع العلم ان الإيجار تقريبا ب 40 الف ريال
بس المشكله ماني عارف وش وضع البضاعة هل 30 الف تكفيها

وأتمنى ذكر لا اله الا الله محمد رسول الله
العين حق الواحد ينتفك بعين وهو مادرى
اذكروا ربكم والى الان باقي مأسوينا شي
ويعلم الله كلها سلف بس الطفرة هلكتني
غير الإيجارات

جميع المشاريع شمال الرياض ناجحه وذلك لتكتل الناس حاليا شمال
يوجد احيا شمال الرياض تفتقر الى وجود مثل هذه المشاريع داخل الاحيا مثل حي الياسمين والصحافه والمونسيه واشبيليا وغيرها من الاحياء الجديده
ناتي لمحور الحديث البقاله مربحه نوعا ما وخاصه اذا تم اختيار موقع جيد
بالنسبه لمبلغ 30 الف لاتكفي لها خذ مثلا
العصيرات 10 الاف
المنظفات 10 الاف
الكماليات من بلستيكات وقرطاسيه 5 الاف
الحلويات وما ادراكما الحلويات ففيها مكاسب كبيره وكل ماكبر الاستاندر وتنوع كلما زاد الربح
البسكويت اولكر وغيره البطاطس ليز وحروف وغيره
كذلك الشاي بانواعه سكر زيت الاروز بانواعه المكرونه 15 الف واكثر
بطاقات سوى 10 الاف منوع جميع الفئات والشركات
2. الاجهزه
تتولى الشركات انزالها لك مجاننا مثل المراعي الصافي مكينه حفظ الثلج ثلاجات الايسكريم ثلاجات الشيوكولاته كلاكسي مارس وغيره
نصيحه لاتشتري من السوق لان مبلغك قليل اتصل بالشركات وهي ستقوم بتنزل البضائع بحدود 100 او اكثر على التصريف بالاجل
مثل الجميح للعصيرات
بن زقر وغيرهم
الالبنان
الجرائد
وغيرها
مبلغ 30 الف قليل جدا ويجب وجود مستودع
كذلك العامل لايستطيع ان يستلم العمل من الساعه 7 صباحا الى 12 ليلا اقل شي 3 عمال كاشير وتحميل وتنزيل وتوصيل
بالنسبه للاجار جيد لن تجد باقل من هذه الاسعار

خايفاً من العين يااراااجل
هههههههه
يقولون من تعلق في شي وقع
ومن توكل على الله كفاه
بصراحه مدام المبلغ كبير ياليت تاخذ استشارة من اصحاب الخبرة في هالمجال
فيه مكاتب مخصصة لدراسة الجدوى وهالامور
والله يوفقك ويكفيك شر الناس ويبارك لك الله في رزقك امين يارب
وعسى الله يرزقك ارباح طائلة لاتعد ولاتحصى آمين يارب
وعساها هالساعة تكون ساعة استجابة في هاليوم المبارك

الفكرة جيده .. ولكن الي لفت نظري اكثر محلات القهوة
علما بانها بالنسبة لي فكره جديده ولكن اللهم صل على النبي شغاله
خاصه بالرياض .. تسويلك محل فتحتين وتصلحلك كم جلسه وقنوات وكم غرفه صغيره خاصه وبلايستيشن
وحركات .. والله مشروع ممتااااااز

فكر واستشر واستخر ثم توكل

ماشاء الله لا قوة إلا بالله
الله يزيدك من فضله

الله يرزقك من فضله