يارب توفقني فيها ويطلع اسمي يارب ...يارب كلنا يقبلوونا♡ قولوا امييين
وخلونا نتفاائل مش خسرانين شئ...

والله ياجماعة الخير أنا قدمت عن قولة اني فوتت فرصة لكن ماني معولة نهائيا لأني محبطة للغاية و بذكر لكم قصة حصلت معي في هذا المنتدى،تم الإعلان عن وظايف حكومية بامانة الدمام وظيفة مراقبة صحية شهر6 العام السابق يعني مو قبل شهرين وقدمنا على موقع الأمانة شهر11 ذي القعدة وصلتنا رسايل للإختبار والمقابلة رحنا واختبرنا شهر محرم تقريبا وصلت لي رسالة تفيد بقبولي وبغيت أموت من الفرحة وماصدقت حتى نزلت الرسالة بالمنتدى وبدو الأعضاء يباركون ودعت قطار البطالة رحت حولوني على الفحص الطبي في مركز اللياقة بالدمام اللي يفحصون فيه الشغالات والمبتعثين ووووو المهم وديت نتيجة الفحص الطبي وطابقنا الأوراق والشهادات واستقبلتنا رئيسة القسم النسائي السيدة بثينة العبدالهادي و هنأتنا بالقبول هذا الكلام كان شهر محرم وإلى يومكم اليوم لاحس ولاخبر،القهر والغبن إننا ندق عليهم مطنشين رغم إنها وظيفة بالتعاقد مرة مدير شؤون الموظفين رد قال لاتنتظرين منا شي سوينا قروب على الواتس أرسلنا شكوى للوزارة بالرياض وشكوى لنزاهة تواصلنا مع صحافيين كتبت عن معاناتنا د.أمل الطعيمي مشكورة بس مافيه فايدة القهر إن وحدة من زميلاتي اللي طبعن ماقدمت قالت لي في شهر صفر تقريبا أعرف وحدة توظفت بالأمانة ومنزلة صور لمكتبها أخوها يشتغل بالأمانة ووظفها قلت لا مستحيييييييييييييييييييل يمكن وظفوها عاملة إكرام موتى لأنهم كانوا معلنين عن شواغر مغسلة موتى ويبون ثانوي بس حنا جامعيات غير رجعت زميلتي وواجهتها فأختنا الموظفة الجديدة قامت تسب وتشتم وتقول إنتو حاسدين وسوت بلوك مع هذا أنا ماكنت مقتنعة إن الوظايف طارت،وبعدين قبل كم أسبوع راح أبو وحدة من البنات يسأل ويشم أخبار وسمع من أحد معارفه إنه تم توظيف مجموعة من البنات ثم إيقافهن حتى إشعار آخر بعد ماجت لجنة من نزاهة ؟؟؟؟؟؟؟؟؟؟؟؟؟ الظاهر يبون يخلونهم لين تبرد السالفة وبعدين يرجعونهم و حنا إلى يومكم اليوم لاحس ولاخبر تقريبا بنكمل 8شهور سوينا فحص طبي وطابقنا لأوراق ولازلنا عاطلات أو موظفات مع وقف التنفيذ

استغفرالله العظيم واتوب اليه ..

اللهم لك الحمدحتى ترضى ولك الحمد اذا رضيت ولك الحمد بعد الرضا..



اتمنى التوفيق للجميع.

ام نوف نادر تفائلي بالخير ، ان شاء الله الله يرزقك بوظيفه احسن منها 💜

ذكرتيني بشخص بالتويتر يكلم الجاسر * اخر تغريدات الجاسر شوفيها*
الولد من العام جاه قبول نهائي بالاحوال وراح للمعهد الاداره وقالو له اسمك مو موجود عندنا ،

هنادي وش فيك 😮😮

لا مافيا شي هههههههه

انتظر النتيجه وبس 🙈🙈

(.....قل خيرا او اصمت ...)
.
اقسم بالله خليتونا نكره هالموضوع ،.. اختي جزاك الله خير
اذا ما عندك شي تقولينه مفيد اسكتي ،... اذا إنتي متشائمة لا تحاولي تزرعي ذَا الشي بغيرك
الله سبحانه طلب منا التفائل ، نحسن الظن به ،( انا عند حسن ظن عبدي بي )
ربي يرزقك ع نيتك ، ايش تخصري لما تتفائلي لك و لغيرك ، تدعي الله برزق لك و لغيرك ..
و الله تحسون براحه نفسيه ، و الي ربي ما كتب لها ، تحمد الله ما تدري لعل الله يكتب لك اخير منها ، فا توكلو على الله ، كلنا محتاجين و نعاني بحياتنا ، لكن الامر بيد الله ، ربي هو الي يقسم الارزاق ، <<<الحمدالله >>>.

ام نوف حاسه فيك للاسف هذي هي الحقيقه المرره علي قولت وحده في المنتدي الله يسعدها وانا كمان صار لي نفس الشي قبل كم سنه جاني قبول علي وظيفه اداريه وطلع اسمي و علي يومك هذا لا حس ولاخبر ارسلت برقيه للخدمه المدنيه في الرياض بس جاني رد منهم انه الترشيح لايعني القبول تصريفه حسبي الله عليهم
عمموما الكل يوكل امره للواحد الاحد واكييييد ربي راح يغنينا من فضله
اللهم صل وسلم علي سيدنا محمد وعلي اله وصحبه اجمعين
اكثروا من الصلاه علي النبي

لاحول ولاقوة الا بالله
معزوفة الرحيل
من بداية الموضوع ماقلتي كلمة خير! اما تشكيك او تكذيب أو إحباط للغير..
على كل حال:
الله يعطي كل شخص على قد نيّته "أياً كانت هذه النية"...!

،
( موظف بالداخلية) :
شكراً لك على الإفادة الله يوفقك
،
رجاءً لاتحولون الموضوع إلى مساحة تشائم!
يقول الله سبحانه :
(أنا عند ظن عبدي بي)
فتفائلو خير
و الله يوفقنا ويااكم في هذه الجمعة الفضيلة

اول كنت اقول البنات ما بينهم تعاون مثل الشباب ،، لكن اكتشفت السبب من خلال هالموضوع ، و ما ألومهن خلاص