السلام عليكم ورحمه الله

اخواني ابي فزعتكم انا من مدهه ونا كل يوم اخش وما اعتبركم الى اخواني

انا دخلت على موقع الحرس الملكي وحطيت رقم الطلب قال

حاله الطلب ( مقبول مبدئي _ ارشيف )

وش الحل


ثانياَ : وش التخصصات الي في الحرس الملكي
كم رواتبها

انا معي شهاده ثانويه + حاسب الي 6 اشهر

هل يقبلون الحاسب وش الرتب المتوقعه

والله يجزاكم كل خير

*معليش أنا استعجلت بالاجابه و تم التعديل
مقبول مبدئي ارشيف يعني لازم تروح لهم تكمل أوراقك

هذا الرابط من موقع الحرس الملكي فيه معنى الارشيف راجعه

http://apps.rgr.gov.sa:8888/RGR/faces/faq

8- قبول مبدئي - أرشيف =*يجب عليك الإسراع بإكمال الأوراق المطلوبة .

الباقي يفيدونك فيه الشباب

و مبروك القبول المبدئي و فالك القبول النهائي ان شاء الله

.

.


ماقصر اخوي مخااوي ..

بجاوبك ع التخصصات ..

فيه سائق وفيه امن شخصيات وتكون حارس ف احدى ممتلكات ال سعود "حفظهم الله"

بالنسبه للرتبه .. ثانوي حاف رتبة جندي لكن صدقني رواتبها و ومميزات من افضل القطاعات العسكريه ,, مدة الدوره 45 يوم بعدها اجازه من اسبوع الى عشر ايام بعدها ترجع تاخذ دورات 3 شهور فرد اساسي بعدين تاخذ مستحقاتك 27 الف ريال , وتبقا لك 3 شهور اخرى تاخذ فيها دورة بدل ارهاب , وفيه شهرين لكل شهر دوره بس ولله ناسيها .. اما دورة الحاسب خلها بعد التعيين عشان تقدمها لهم ويحطونك مكتب ويكون دوامك من من 7 الى 12 الظهر وتتوكل على الله ... "ع ماعتقد ممكن تلحقك خفاره" ممكن مو اكيد ..
ان شاء الله اني مانسيت شي , بس فرصه ياخوك لاتفوت الملكي .. رواتبها جداً رائعه بس الله يعينك ع الكرف بس صدقني بتتعود , موفق يارب

رحلهم يوم الاحد الجاي اذا بجده

انا من جده و ودوني الرياض اسوي المقابلة لكن الحمدلهه مشيت اموري ومنتظر نتيجة المستشفى ��

والله يوفق الجميع

واذا طولك اقل من 175 جيب لهم رخصه عمومي بيحطوك سايق
او شفلك واو

مشاء الله
اولا الله يوفقك وييسر امورك
اخوي اذا جاك القبول المبدئي كمل اوراقك
الحرس الملكي حلوه ومميزاتها حلوه انا عسكري بالحرس الملكي
الاوراق توديها التجنيد بالرياض بحي الناصريه
وبالنسبه لشهادت الثانويه جندي وشهادت الحاسب بعد التعيين
والتخصصات واجد لاكن الاغلب حاليا والدورات الجديده. كلها امن وحمايه
ودوراتها سهاله والامور طيبه عندنا دوره بيتخرجون بعد اسبوعين مرفهين وامورهم طيبه
الله يوفقك اخوي وييسر امرك ...
وعلى فكره اغلب التعيين جده او الرياض والعمل بالقصور الملكيه والديوان الملكي حراسات