الله مراح يضيع تعبك ان الله لايضيع عمل عامل ياحياتي كلنا عانينا في الدوام انا كان اداوم واخويه مايبغاني ادرس جامعه ومشاكل لايعلم بها الا الله والحمد لله تخرجت واليوم عاطله لي ٦ سنوات بس راضيه واحمد الله دوم احنا مأجورين على صبرنا واحتساب الاجر ضاع عمرنا واحنا مضجريين من الاقدار ايش استفدنا لو السنين تمر واحنا راضيين وكل يوم يزيد ثقتنا بالله انه يدبر لنا الخير مو احسن بعدين لو ربي يقبض ارواحنا واحنا موراضيين ايش نستفيد شوفي القصص معلمات ماتو اول يوم دراسي بحادث وكل يوم قصة حادث وفي سبق اليوم طالب جامعه يحب الطيران وحلمه يطلع طيارفي الحرب سبحان الله مات قبل لايتحقق حلمه وياما وياما سمعنا لو نستفيد ونحمد الله يكون خير لنا واجر جمعه مباركه الله يبارك فيكم

عندي اقتراح يرضي جميع الاطراف

صوري شهاداتك واحرقي صورها وكيذا ترتاحين وبدون مشاكل

[align=center]
وعليكم السلام ورحمة الله وبركاته

أختي في الله ترى مو أنتي لحالك إلي عايشة الوضع كلنا العاطلات مثلك
وأنا مرات تجيني نفسية وأفكار جنونية بسبب العطالة ..!

زمان أول أقول متى أخلص الدراسة عشان أقعد بالبيت وأرتاح بلا دراسة بلا وظيفة
والحين توني حسيت بالصدق وعرفت التأثير السلبي للبطالة / فراغ فظيع !

مع إني متزوجة وعندي أطفال ودايما أشغل نفسي بالبيت حتى لو ما في شيء !
لكن الوظيفة صايرة هم وغم على قلبي ومسببة لي أرق >> شوفي متى ردي من أمس ما نمت !!

لكن تدرين إيش غلطتنا ..؟
أننا أعتمدنا على جدارة والوظائف الحكومية ومفكرين أننا إذا قدمنا بنتوظف على طول !
ما درينا أن السالفة مطولة ويمكن حتى نجلس طول عمرنا ما توظفنا ...

ووالله لو بيرجع بي الزمن لسبع سنوات وراء إني أكمل دراستي أو أتوظف بالقطاع الخاص
بلا وظايف حكومية بلا وجع راس بلا كذب وقلة حيا ولعب بمشاعرنا وتضييع لأعمارنا

لكن قدر الله وما شاء فعل والحمد لله على كل حال
والأنسان المؤمن إذا شاف مصايب غيره تهون عليه مصيبته

نصيحتي لكِ شوفي نفسك وأعرفي نفسك وأعملي لنفسك وبنفسك
عندك حاجة تبدعين فيها أبدأي أستثمري فيها طاقتك وجهدك ووقتك
أو من الأن أبحثي بالقطاع الخاص شيء يناسبك ولو أنه قليل
لا عاد تنتظرين شيء ما تدرين عنه لأن الحل بيدكِ أنتِ أولاً وأخيراً

محدثتك كانت فرحانة بشهادتها / وبالأخير أكتشفت أنه ملعوب علينا بالتوظيف
لكن من الأن بدأت أبحث في القطاع الخاص وأسجل بالوظائف المناسبة وأنتظر الرد
وكمان بدأت اليوم مشروعي الصغير عشان أقضي وقتي بشيء ينفعني
بدل أن أترك الشيطان يوسوس بعقلي ويضيع بقية عمري ما سويت شيء !

شوفي قسم مبروك التعيين راح تلاحظين أغلب إلي توظفوا دايماً يسعون

والله نفس حااااالك و من المدينة بعد ادور مدارس خاصه لي 4 سنين
ومالقيت والمشكلة أهلي حااااااصرين بس بالتعليم البنك لاااا والمستوصف لااا
وكل حياتي من اول ماتخرجت اكل ونوم وجوال وتحطيم من أمي ....
الحمد الله على حال ....

اللهم ارزقني وكل محتااااااج الوظيفة الي تعزنا وتغنينا عن الناس يااااارب ....

شهاداتك رائعه ماشاء الله
و تعبك ماراح يضيع باذن الله
وكثير بنات من قرى ومحافظات يداومون يوميا و الى الان على نفس النظام
كلنا ننتظر الوظيفه و كلنا نعاني الظلم لكن مافكرت ابداً اني أحرق مجهودي
ان جات الوظيفه الحمدالله و ان ماجات ماراح نموت من الجوع ان شاء الله خلي تفكيرك كذا عشان نفسيتك ماتتعب
والله يعينك يا أختي

اعقليها وتزوجيلك عاطل عنده خبره يقدملك ويقدم له.

وش فيها ربة منزل احلى ادارة منزليه لو متواضعه. ومضمون المستقبل.

ترى أغلب ردود لوطبقتي كلامهم حياتك بتتغير بإذن الله قعدت تصور شاشه لبعض ردود عشان نفسي ولااختي جزاكم الله خيرا
ونتي اختي ركزي في ردود وبتتغير حياتك بإذن الله
الله يهدي بالك

أشعر بكل كلمه من كلماتك وأحس بها نعم العطاله شيء قاتل جدا خصوصا من يملك الشهاده
ولا يستطيع ان يتوظف في نفس تخصصه ...

وسبق انا كتبت هنا عن معاناتي مع العطاله والحمد الله توظفت الآن ولكن وظيفه بعيده كل البعد عن تخصصي


انا متفائل جدا في عهد الملك سلمان

وبإذن الله راح يكون هناك قرار مفرح لجميع العاطلين ...

والله يرزقك ويرزق كل عاطل وعاطله

بالتوفيق لك

الله يجيب هالقرارات على خييير .......
ابي اكبر الوساااده . وانام

زيين ياوخيتي طاحت وحده من بنات الحاسب امزح
ترا اذا تروح تروح عليك انتي محد غيرك راح يحزن او تتحرك فيه شعره الا انتي
توظفي قطاع خاص و حاولي تقدمين ع جداره
الاغلب كذا قطاع خاص و ينتظرون حكومي عشان يستقيلون
اما تجلسين حاطه يدك على خدك يابنتي مايصير
العمر يمشي
و حكومه و لا خاص كله واحد اهم شي $$$$$$ اخر الشهر
و لا المسميات ماتفرق كثير
الله يفرج عليك همك و يفتحها بوجهك

اسمعي هنا