05-05-2015, 05:04 PM
|
 |
عضو مهم جداً
|
|
تاريخ التسجيل: Sep 2011
الدولة: هناكــــــــ ♡
المشاركات: 516
معدل تقييم المستوى: 145470
|
|
وعليكم السلام ورحمة الله وبركاته
قبل كل شي لفت انتباهي كلمة بـ 10
مادري وش تقصد فيها _ راس المال او سعر البيتزاء 
لإن 10 هذي اذا هي راس المال انا اقولك اعد النظر _ حتى لا تبداء ثم تقف ويكون عندك نوع من الاحباط يجعلك تصرف النظر بدون فائده .
تمنيت انك توضح اكثر هل العمال برواتب او نسبه لإنها تفرق
عشان اللي بيفيدك يكون على بينه من اللي تبحث عنه بالضبط
لكن عموماً __ من ناحية المعلمين
1_ النيبالي
2_ الفلبيني
هم الابرز من ناحية الجنسيات
3_ الهندي بعد ( مو ذاك المعرفه لكن مو بطال )
وانا انصحك بالاول من ناحية المعرفه بالشغله مع قلة المرتب
و الثاني كذلك معرفه ولكن زياده في المرتب . ولك الخيار .
كيفية الحصول على المعلمين _ طبعاً هذي لايمكن احد يعطيك رائي بالطريقه اللي من خلالها تجيب معلمين 100% ابداً .
لكن تقدر تمر معلمين الفطائر و تطلب منهم يجيب لك معلم بـ راتب كذا
وتاخذ منه مقدم 2000 ريال كـــ ضمان وترجع له اذا العامل طلع معلم ( صح )
او المكاتب .
من ناحية التموين او المواد
طالما انك في مدينه مافيها النشاط هذا معناها كمية المواد بالبدايه لازم تكون قليله
حتى تشوف الاقبال كيف .
اللي اقصده بالعامه إنك بالبدايه اشرها انت من اسواق الجمله بكمية محدوده _
عشان تشوف السوق اول شي . ولما تشوف ان فيه اقبال اطلب من الموزعين
واحتفظ بفواتير المشتريات عندك عشان تعرف قيمة المصروفات مقارنه بالمدخولات مستقبلاً.
ومن ناحيتي انا انصحك انك تخلي عندك مثلاً 5000 او 10,000 ( مثال يعني ) فقط للمشتريات تخليها برا الدرج
واللي داخل الدرج يقسم إلى 3
1- لرواتب العماله
2- لتسديد الـ 10 او الـ5 ( حقت المواد اللي من جيبك )
3- - تشتري فيها المواد مستقبلاً .
بحيث انك اذا سددت مديونية المواد _ يكون السهم رقم 2 صافي ارباح لك .
طبعاً بعد فتره بيكون رجع لك راس المال كامل و تشتغل بـ ارباح وتستفيد منها فائده و رواتب
الله يوفقك
التعديل الأخير تم بواسطة غداً نلتقي ; 05-05-2015 الساعة 05:16 PM
|
العرض العادي
