يقول طاوعني ولاتْجيب سِيره
آبنصحك يا علّ في الأمر خِيره


طوِّف على شان إتعدّل أمورك
وجامِلْ خصوصاً فالأمور الكبيره


وسولف مع هذا وهذا وهذا
وحتى اللّي مايفهم بشيْ .. استشيره


ورقِّع لخلق الله وضبِّط معاهم
الدنيا حرب .. اختار دورك وصِيره


إمّا تصير سلاح والناس هذي
ذخيرتك .. وإلّا تكون الذخيره


ونافقِ .. اشْفِيها يآخي لمّا تنافق
لا أوّل ذنوبٍ لك ولا هي الأخيره


واكذب يا عمّ أصلاً الكذب مُتْعَه
يكفيك من شرّه ، ويعطيك خَيْره


وإذا بلاك الله بقول الصَرَاحه
قُول الصراحه فالأمور الصِغيره


أزعجتنا بالصح والحق والصدق
الصدق ما ودّى هَلَ الصدق دِيره


وخلّص كلامه صاحبي وافترقنا
ومن عقب ذاك اليوم .. صاحبْت غيره

جميل
صح لسان شاعرها
وتسلم اياديك


بانتظار الجديد

لاهنت