السلام عليكم ورحمة الله وبركاتة
اخواني كلكم واخوي المنتصر بالله بالذات
ابي منكم مساعدة
انا بنت يتيمة الاب ويمشي لي الضمان الاجتماعي
ولكني عاطلة ولقيت لي وظيفة بمحل مكياجي النسائي
عبيت بياناتي وخلصت باقي المقابلة
اللحين اخاف اتوظف ويفصلونن من الضمان
الراتب 3000 تقريبا
جاوبوا علي سؤالي هل يفصلوني
وشكرا للجميع

وعليكم السلام
نعم يفصلوك وهناك موضوع مثبت عن هذا الموضوع ومفاده احسبي جميع ماتتغاضينه من الضمان وبين راتبك بالوظيفه وشوفي الفرق كم اذا كان 1000 ماهي الفائده من 1000 والمبلغ هذا يروح للتكاسي بالاضافه الى المجهود البدني والنفسي وكأنك يابو زيد ماغزيت لو راتب الوظيفه طيب مافي مشكله خلي الضمان يروح

والله يااختي بصراحه شي يحير بس اول شي استخيري ثانيا فكري في السلبيات والايجابيات من الوظيفه انا برايي الوظيفه اوكي حلوه بما انه 3000 مقابل الف من الضمان والمقطوعه كل سنتين للموظف اتوقع ليت المنتصر يصحح لي يعني بيجيك بشهرين 6000 ريال بدل 2000 فرق 4000 ريال واللي بيجيك من المقطوعه كل سنتين وهم يقولون سنويه بيجيك من وظيفتك مثلها ب 3 شهور تقريبا او 4 عموما شي ضروري اسالي الضمان لو مثلا توظفتي ومارتحتي او لاسمح الله انفصلتي من هالوظيفه بما انها غير موثوقه هل تقدرين ترجعين للضمان على طول لو تبين ترجعين له انا رديت بما انك رحتي وشكلك لك رغبه بالوظيفه انتي اعرف بنفسك ورغبتك ولو لك صبر ع الوظيفه وفي بالك تستمرين او ممكن تتركينها فكري وقرري بالاول والاخير انتي ادرى والله يختارلك الاصلح

اما يفصلوني؟؟؟
شنوح شدخل مابوة تأمينات
وبعدين انا ودي اتوظف بة لكن اخاف سنة ولا شوين ويروحون يفصلونن ويحطون بدالي شخص ثاني
واخسر الضمان والوظيفة
لية ماحطوا من الاول الضمان سقف للراتب بحيث يتوظف الشخص بالقطاع الخاص ومعوة ضمان
لكن مااقول الا حسبي الله هاللي غاثيننا ماتسوي علينا 1000 ريال وبعدين يومين الا هي قاضية

شوفي الوظيفه هذي اذا مايسجلوك بالتأمينات ماعندك مشكله لكن لاتعطيهم هويتك بعدين يروحوا يسجلوك ويطير الضمان اهم شي اذا ماتبين الضمان يروح لاتخليهم يسجلوك وبعدين حظ نصيب ترى بعض الناس مسجلين بالتأمينات ويصرف لهم الضمان لكن لو دروا وبحثوا بالجهاز الضمان يروح هذا النظام عاد ان كان فيه تهاون هذا شأنهم

إذا بدون تأمينات ماراح يدرون في بنات اعرفهم موظفات بس بدون تامينات مثل المقاصف المدرسيه أو فراشات أو اللي يقدمون شاي وقهوه بالبنك وينظفون هذي او استقبال بمشغل
بدون تأمينات،،، وأن شاءالله يكونون حقين محل مكياج اللي قلتي عنهم ثقه لأن إذ شي رسمي ينضمن حقك أما كذا كيف تضمنينهم،،، بقولك سالفه صارت معي قبل 3 سنين توظفت استقبال وبدون ماتسجلني راعية مشغل بتامينات وتفقنا انا وياها ع راتب آخر شي 3 شهور ماعطتني ولاريال ونا كنت أداوم اروح ب ليموزين ويتيمه ومعاقه قالتلي انقلعي عشان كذااقولك تامينات والعقد إثبات لحقك واكيد مو كل ناس نفس راعية مشغل،،،،
،،، وترى ضمان
يعطونكم قرض الأسر منتجه استفيدو منه سوييلك مشروع اوبسطه أو تبيعين أكل أو أي شي
ثاني حضانة للأطفال اودرسي العصر أي ماده،، اوبنك تسليف

انا رحت وارسلت للمديرة قلت لة زي ماقلت يااخوي المنتصر
قلت مابي تسجلوني بالتأمينات ولا تاخذون رقم هويتي
وهو محل تجميل باحد المولات
اذا وافقت وانا بتوكل علي الله واتوظف
لاني بحاجة الوظيفة باللحيل

من وجهة نظري اذا كان الراتب 3000الاف راح يخصموا تبع التأمينات 275ريال لان أنالماكنت اشتغل كان الراتب 4000الاف وبعد ماانخصم تبع التأمينات كان ينزلي كل شهر3725ريال لااني ماكنت اغيب ولا يوم ولاأتأخر تبارك الله
يعني ياأختي اخصمي من الراتب مثلا200ريال والسائق 600ريال و200شحن جوال كدا الف راحت يبقى لكي 2000 مثلا الغيبات او التأخيرات يخصموا منك 200اذا كان غيابك موكثير غير مصروف الاكل مع البنات والكوفي وماالى ذلك يعني قرابة راح يبقى من راتبك 1500ريال ربماأقل وربماأكثر واذاا قلتي راح تجمعي مثلا عشرةالاف كل سنة من راتبك ماراح تقدري طالما يتبقى لكي 1500ريال غير اذا مثلا استلفتي غيرالملابس والاكسسوارت طالماانك في السوق وغيرالتعب ووووووالخ عشان كدا أستخيري الله وللمعلومية مكياجي لازم يحطوكي في التأمينات مثل شركة الشايع وأكثربنات السوق مايستمروا أنالماقدمت استقالتي قالي الموظف في اليوم بتجي سبعة استقالات

وللمعلومية كان نهاية الشهر والله مايبقى ولاريال وكنت أستلف لان عندي عيال ومصاريفهم وملابسهم ووووالخ غيرالديون اللي كانت علي
وفوق هذا كله كان ينزلي من الضمان شهريا والمقطوعة نزلتلي الحمدلله أشتغلت ستة شهور وبعدكدا قدمت استقالتي والضمان الحمدلله ماأنقطع لااني أخذت برنت وأعطتهم ومكتوب ربة منزل وبعد كدا روحت قدمت على الوظيفة