الله ييسر
انا موعدي بكرة وبمشي العصر عشان اوصل لهم قبل الموعد بشويات ونشوف

فيه اخطاء بالدفتر وعدلتها بالطامس هل يؤثر ام لا

الحمدالله كان الموعد اليوم واجتزنا المرحله الأولى

التفاصيل للفائدة للي موعدهم بكرا او الدفعات القادمة ان شاء الله

أول ماتوصل الكلية راح تدخل صالة وتصف طابور للدخول مع بوابة تفتيش واذا معاك جوال راح تسلمه للعسكري ويحط عليه لاصق ويكتب رقم عليه عشان وانت طالع تقول له الرقم ( اللي مايهمه الجوال يحاول انه مايجيبه لأنه بعد ماتخلص وانت طالع راح تنتظر كثير لين تستلم جوالك من كثرة العدد )

بعدها تمر مع بوابة التفتيش ومسموح يكون معك البوك والأوراق المطلوبة بعدها راح تروح صالة ثانيه تنتظر فيها الباص واول ماتوصل الباصات ويكتمل العدد راح تطلعون الباصات وتتجهون إلى صالة الأمير احمد الرياضيه

بعدها راح يطلعونكم مدرج وتنتظرون إلى وقت دوركم لطباعة طلب الالتحاق الأولي وتنتقلون من مدرج لمدرج الى ان توصل للمكاتب الموجوده تحت وراح تعطيه رقم هويتك ويطبع لك الطلب وفيه جهاز قارئ بصمه تحط اصباعك عليه حوالي 5 مرات وبعدها فيها كاميرا يطلب منك تطالع فيها

وبعدها تنتقل لمدرج انتظار قياس الطول والوزن راح تدخلون بعدها صالة ثانيه تجلسون على كراسي يطلب منك تجهز الهوية وطلب الالتحاق ويطلب منك خلع الحذاء و رفع البنطلون للركبه ويدخلونكم وراح تخلي اوراقك والحذاء مكان جلوسك وتدخل صالة ثالثه فيها 6 مجموعات وكل مجموعة 9 كراسي راح يرقم الممرض لكم كل مجموعة من 1 الى 9 بعدها ينادون المجموعة الاولى تتحرك على الميزان اللي مكتوب له رقم 1 يروح ميزان 1 واللي 2 يروح 2 وزي كذا يقيس الطول والوزن

وبعدها تروح للعقيد رئيس اللجنة وهو يشوف المكتوب له من الممرض على نموذج الالتحاق اذا مناسب وجسمك متناسق راح يقلك المسار الاخضر ويعني اجتياز واذا قلك المسار الاصفر يعني اعادة قياس واذا احمر معناه غير مقبول

الاخضر راح يعطيك النموذج تعطيه للنقيب للتدقيق مره اخيره وبعدها ترجع لمكانك تاخذ اوراقك والحذاء وتستعد للمرحله الاخيره اللي هي تدقيق الوثائق

يرجعونكم المدرجات ويشرحون لكم كيف تعبون الدفتر ويوزعونه عليكم وكيف ترتب الاوراق ( طلب الالتحاق تدبس فيها 4 صور شخصيه -وثيقه مصدقة - سجل مصدق - صورتين هوية مع كتابة البيانات والتوقيع وتدبس كافة الاوراق وتسلمها للمكاتب الموجودة وراح يطلب منك صورة يدبسها في الدفتر ويختم عليها ويسلمك الدفتر

وتتوكل على الله تنتظر الباص وترجع للصالة الاولى وتنتظر تأخذ الجوال وتكون انتهيت بذلك

معليش انا كتبت لكم كل شئ بالتفصيل عشان تتطمنوا وتكون الصورة واضحه للكل

والضباط متعاونين وكلامهم حلو ويجاوبون على اي استفسار تبغاه وتوجيهات مستمرة للاجراءات والخطوات

[SIZE="4"][B]لمشاركة الأصلية كتبت بواسطة الفيدراالي
اللهم لك الحمد حتى ترضا ولك الحمد اذا رضيت ولك الحمد بعد الرضا

تم استبعادي لأني ناقص كيلو فقط 😭

حلم الطفوله .. حلم والديّ .. حلم لطالما أردته وأردته

لكن مانقول الا الحمدلله على كل حال ولعلها خيره

والله ياخوي يمكن انه خير لك ....انا ماعرف تخصصك علشان اقدر اقولك مجالاتك ... لكن الغريب انك تقول حلم والديك والعسكرية كلها ليست حلم اي انسان مافيه زي المدنية والراحة ..يكفي انك قدمت ورحت الى عندهم وكنت ترغب خدمة وطنك وهم الي استبعدوك ..لا تندم لانك ليس الخاسر ..قول الحمدلله وابدا من جديد
هههههه انا لم يتم قبولي حتى مبدئي تخصصي هندسة كهربائية ومن جامعة بريطانية وغربة خمس سنوات ونصف عن الوطن واحمل مرتبة الشرف وتم استبعادي بدون سبب ولم يتم ترشيحي نهائيا ولست نادما لان رزقي من رب العالمين ..

شباب هل فيه امل انهم يتصلون علينا للي ماجاه قبول مبدئي1 تخصص كيمياء ا

السلام عليكم .. كل عام وأنتم بخير .. مبروك لكل من قبل والله يعوضهم خير اللي م انقلبوا .. أنا هنا للإجابة عن استفساراتكم .. بس ي ليت اللي عنده اي استفسار يحطه باللون الأحمر


تمنياتي للجميع بالتوفيق

اخوكم / ملازمم

كل عام وانتم الى الله أقرب مبارك عليكم الشهر جميعا

صبحهم بالخير
اليوم مقابلتي بإذن الله

أستفسار شاطح
لو ألبس تي شيرت أبيض ومع الجوانب لون أخر بيدققون علي أو لا